في يوم آلخميس | 19 / 4 / 1432 هـ |
أجرى روم آلهلآل بـ آلبآلتوك حوآر مع آلدكتور " جآسم آلحربي "
تحدث فيه عن آلكآبتن ( يآسر 
)
المقدم : ننتقل بـ آلحديث دكتور عن نادي الهلال ربما حديث الشارع الهلال خصوصاً هذي الايام ( ياسر القحطاني )
طبعاً قناص آسيا أفضل لاعب في 2007 له فتره ربما يشهد تذبذب مستواه خصوصاً المباراة الاخيره ربما
اعادة فتح ملف ياسر القحطاني ما الذي يحدث لـ ياسر ؟!
شوف ياسر من اللأعبين المميزين على مستوى آسيا مو على مستوى الكره أو العربيه
هبوط المستوى طبيعي جدا احيان اللاعب النجم لا يمكن ان يحافظ على مستوا لابد يكون
عند دروب في الأداء و طبعا الظروف اللي مره فيها ياسر من اصابات و من تأهيل تخليه
يبتعد عن الكره و ابتعاده عن الكره هذي برضوا مشكله ثانيه على اساس ترجع لها تحتاج
لـ وقت فـ اللي اتمنى من الجميع , الصبر كويس حنا مستعجلين على النتايج على اللاعب
يرجع بسرعه خلاص ياسر شارك ياسر لازم يسوي كل شي , لـ نفرض ان عنده هبوط في
المستوى يعني انهيه من الوجوده اقوله ما عاد تشارك خلاص و الا اعطيه فرصه مره و
مرتين و ثلاث اعطيه فرصه , فـ أنا اتمنى من جمهور الهلال انه ما يستعجل لاعبكم فذ و
ممتاز و ياسر ما يتكرر ابداً و له مميزاته و له ايجابياته يوم كان يعطي كنا نصفق له الآن
يوم قل مستواه و عنده ظروف و كذا , و مو تعاطف مع ياسر انا احب ياسر زيه زي باقي
اللاعبين لكن مش تعاطف معاه يعني يجب احنا ننتظر يجب نعطيه الفرصه يعني مو معقول
يوم كان يصول و يجول في الملعب و ياسر و ياسر الآن رجعنا ندور على ياسر اي
اخطاء اي سوء اداء جاته فرصه ذيك ما تعامل معها ضيع علينا مدري ايش صرنا ندور
اخطائه اول مهما كانت اخطائه و يسجل لك قول قولين تمسحت الاخطاء !!
( يقاطعه المقدم )
عموماً لانه ياسر القحطاني , لانه النجم فهو دائماً مصلطه الاضواء عليه ...
الحربي : طبيعي جداً و اعتقد ابو سعيد قد النقد , شوف اللاعب الذكي يقبل النقد سواءً من
المقربين او من البعيدين , لاتاخذ النقد على انه شخصي تأكد انك كـ لاعب انك لما تسجل
قول قولين ها النقد ذا كله يروح في وادي و انت في وادي آخر , تجي المباراه اللي بعدها
و تضيع عليك فرصه و تخسر الفريق , انقلب عليك الاعلام 180 درجه و الجمهور نفس
الشي , فهذي كرة قدم , لا نستعجل على الكابتن ياسر ان شاءالله يعود انا شوف انا قاعد
اتابعه و احب اتابع جميع اللاعبين مو ياسر بس على اساس لما انقده احيان و الله احس
اني اجرحهم بـ الكلام بس لـ مصلحتهم مو لأجل اتشفى فيهم لا والله با العكس انا اعتبرهم
مثل ابنائي فـ بعض الاخوان لما تقسي عليه بـ النقد يصحى يفكر يصير في تفاعل مع نفسه
لكن لما انا امدحه و الثاني يمدحه و الثالث يمدحه و هو مستواه هابط شلون بيعرف ان
مستواه هابط اذا حنا كلنا نمدحه و هو على خطاء ,
و لكن يأخذ من اصحاب خبره ناس عندهم خبره في العمل من خلال التدريب لما يجيني
مدرب ينقدني لا و الله تعال خلني اشوف كلام هذا يمكن انا فعلاً عندي نواقص انا احتاج
اطور منها فـ ان شاءالله يعود لـ وضعه الطبيعي سواء ياسر او غيره ..
و شوف كرة القدم فيها متغيرات زي ما قلت لك انا هذا مدرب يقراء و تصير له متغيرات
و يورط في المباراه احياناً الاعب نفس الشي اداء و عنده شعور و احاسيس احياناً ممكن
قبل المباراه بـ ربع ساعه حالة وفاه مثلاً و تترجى منه في المباراه و لا شي , عنده مع
نفسه مشاكل فنيه هذي لما تعيش مع الاعب اني انا عندي مشكله فنيه مش قادر اسجل زي
ياسر خلينا ناخذ ياسر كـ حاله الحين لما ينزل هو و عليه ضغط انه لازم يسجل عشان
يرضي الجمهور الضغط هذا عليه يزداد من مباراه لـ مباراه ما سجل المباراه هذي جات
المباراه الثانيه ما سجل صارت الضغوط تتراكم عليه فـ لما تتراكم عليه هذي مشكله فـ
اتمنى من اللاعبين لا يتعاملون مع المبداء هذا العب توكل على الله و العب و اللي تقدر
عليه سويه انت لك طاقه معينه اديها و ابد , ما اعتقد ان في لاعب مثل ياسر او غيره
بيقصر في الملعب , الهلال انت عارف جمهوره ما يرحم اللي هم صاغ سليم زي ما
يقولوا الصاغ السليم هذا لازم تحافظ عليه بعد يعني نتمنى ان شاءالله الصبر من جمهور
الهلال اللاعبين الموجودين في الهلال من خيرة اللاعبين و الدليل وجودهم الآن متصدرين
الدوري و نهائي ولي العهد
الله يكملك بـ عقلك بس ...
وربي كلآمه " بلسسسم " ...
و أعذروني على آلقصور 
...