تعبت من الحزن وضروف هالدنيا الكئيبه
وتعبت الوم هالدنيا واقول بعيني صغيره
تعبت انزف حروف الشعر واسطر الخيبه
وتعبت من التعب نفسه..ويقولو لي بعد خيره!
عسى هالخيره تفارق وتاخذ باقي الخيبه
ويرافقهم ردى هالحظ وودع قصة الحيره
بلون هالفضاء بـ ابيض وانادي يافرح وينه ؟
بمارس له طقوس الحب واصير لقلبه اسيره
ابفرش له خفوقي ورد وشمعن ينتظر عينه ~
بضمه واحضنه واروي خفوقي وماابي غيره
بعيشه واسكنه نبض ومشاعر يا دفى سنينه ..
ابي حزني يفارقني..عساها اخر الخيرهـ