يوم الإربعاء 27-3-1431
الساعه التاسعه مساءآ توجهت لـِ ( متجر الهِلال ) * 
كنت متوقعه يكون زحمه مره
بس الحمدالله تسهّلت ولقينا موقف ووقفنا قباله بالتمام 
اصلن من صورة ياسر يكفيكم انّ كل من يمر يبتسم , شيء يفتح النفس
طبعآ دخلت كان ودي اصور اكثر واكثر لكن فيه اشخاص (نساء ورِجال )
صعبه جدآ انّي اصور مو كلن بيرضى الإلتقاطه تصيبه !
يالله حاولت بقد مااقدر انّي اقتني لو صور بسيطه للذكرى وتسجّل في حفيظة ملفاتي ..
جدآ جدآ المتجر مُرتب من كل النواحي .. الملابس النسائيه والرجاليه
وحتى الأطفال ياديييييييييينهم ياناس باغيه اجمع لاطفال المستقبل => اقضبي الباب بس 
اللي عنده كتاكيت صغنونين لايحرمهم من جمال هالملابس بماركة هلاليه
والأدهى واللي صراحه تمنيت انّي مسجلته صوتيآ بس مالحقت عليه
الأمن اذا ماني غلطانه ! يقول اللي موب هلالي يطلع برااا
ابدٍ ماعنده وقت يعجبببببببنّ 
آخذت لي لفه ورجعت لفيت ثانيه حسيت انّي اكرر نفس المكان !
لدرجه اختي تقول ماتلاحظين جيتي هنا كثير !
شيء يحير وش آخذ هو تيشيرتات أو اكواب أو شناط أو كوره أو حتى دباديب
واقلام ودفاتر وشوزات وحتى فُرشاة الأسنان , يعني المحل مُتكامل 
بس لاتظنون المحل كله أزرق بـَ أزرق
ترا فيه بينكي والاحمر والابيض يعني كذا لون مُشترك ,
وفي كل ممر صور الاعبين ,
وحتى الكاشير لابس ازرق ورقم 20 ,
لاحظت الكثير ماشاءالله مبسوطين بالمتجر وكلن طالع معه كم كيسه ض1
من ضمن توقعاتي كنت أظن المتجر كبير مره وادوار => راعية طويله : $
بس توقعي صار غلط , جدآ صغير وماياخذ وقت ساعه ندوره كله ونطلع .
ع العموم بترككم مع ( الصور ) , بما اني قمت بالزياره والتصوير
لازم نوريكم اللي شافه واللي ماشافه , موب مشكلتي !
مابي تعبي يروح بوريكم بوريكم 
طبعآ هذا المدخل
هنا انا رحت فيها يازينهم ياناس
وحتى السقف ألتقطناه ماخليناه بحالوه 
شرآيكم بذوقي ؟
كل ماجيت بصور هذا الركن انفتح الباب وطلع واحد من اللي يشتغلون بالمتجر !
بالاخير وقفت ماتحركت يوم طلع واحد ثاني ضحك قال تبين شيء من هنا قلت بصور 
قال خلاص تعالي صوري
زوزو تراه زعلان اللحين هالمغرور
يازعلان يازعلان خليت قلبي حيران ,
ماقلت لك ياحبيبي بطّل دلع من زمان
هذا طبعآ مكتوب عليه تاريخ الافتتاح + التوقيع
آهم شيء البنكي يخقق بقوووه => ابد ماخذته
ركن نسائي
حقنا
بعدها قال اخوي يالله وين تبون تتعشون !
طبع السعوديين مايرسون على شيءٍ واحد وبالاخير يقولون اللي تبيه 
من بعد مشاورات وقفتنا الإشاره ومن يسارها ( تشيلز ) قلنا بلا لف ودوران يكفي انه حاره هندي
يالله بس نتوجه له . دخلنا والوضع زحمه مررره
خلونا إنتظار في ذا البرّد المشكله كان حر فجأه صرنا جمممده : |
والله ضيعت وقتي بالتمقل مع ذا الأطفال اللي يلعبون بِ المراجيح وبخلق الله 
وهالنافوره اللي كل ماصبت كل ماجاببت لي برّد شطفني شطف 
ثلث ساعه تقريبآ ونادونا , دخلنا وجلسنا وقمنا نشوف المنيو
قال زوز ولد اختي ابي رز
قلت الرز ببيتكم حلى هو !
ومير ينثبر وطلبنا , شوي وجانا عشانا
من جابوه حسيت انّي شبعت فيه احد قد صار له نفس شعوري 
؟
بس لاتخافون تراني آكلت وكل شيء آكل معي , اقول لاختي المفروض المفروض
انهم حاطين لنا مريلة مايدرون انّي لازم اترك اثر => :p
الجد الجد كانت جلسه مُمتعه مع اخوي واخواتي اخذتنا السوالف
وبعض المقالب اللي اذكر لكم منها حالة الستاره
صح الستاره ماتغطي الجوانب كلها وواحد معه عائلته تجي توقف قدامها تشوف ليش !
يعني مافيه تفاهم ابدٍ ,
زوز راح لحاله ثانيه ماعجبه المطعم فـَ جلس تحت الطاوله , اصلن كل ذا اللي سويه
عشانه يبغى تيشيرت من متجر الهلال بس مالقينا كبره مخلص !
قالو بنجيب بعد كم يوم وهو اللي ينشب ويعفسنا 
وميدو نقوله كّل قال مطعهم خايس ,. دايم اللي نفسه شبعانه يعيّب وبس 
مضى الوقت وهبت هبوب الشمال , وتوكلنا على الله
وهذي صور من جلستنا :
مدري وش مهنة هالسكين اللي كبر جدي جايبها
ختمناه باللي لاخلا ولاعدم على هالطلعه ,
يكفي هذا صح ؟ ترا الصور آكثر بس تعبت
( O X Y G E N | وعشقآ تنامى من سنين الطفوله
*تدوين لـِ الذكرى في ملاذي