.
.
السلام عليكُم ورحمـة الله وبركاته ..
مساء // صباح . . . السعـة و طولـة البال
أجل مكشات و علوم زينـة !
مسابقة على الكيف , و آن شاء الله آطرح ما هُو
رائع و يستحق متابعتكم و قرائتكم و تصويتكم
<= التصويت في المقام الآول ض1
الطلعات في الحقيقة واجدَ , بس المشكلة التصوير مو واجدَ ,
عفواً آقصد التوثيق , ما أدري وش يجينا إذا طلعنا الواحد ما له خلق
يصور ما غير وده يتكي و إلا يذب على طبخ فلان وإلا تحدي بلوت ,
وإلا تكون أنت مشغول بـ / طبخ و إلا حتى قنص
عموما الطلعة اللي بآنافس بها و بأخذ عليها جائزة آوسكار ,
كانت في الجنوب و تحديداً في محافظـة القنفذة في إحدى الآماكن الرائعة
يُدعى " جبجب " , منطقة بريـة و فيها جبالً ؛ و نومـة خمس ساعات
فيها تساوي نوم عشرة آيام في الدمام
قبل ما آخوض في تفاصيل الطلعة وش رأيكم آعطيكم نبذة
بسيطـة عن القنفذة خصوصاً اللي ما يعرفهاً , يمكن يتعرف عليها من
خلال موضوعي الكريم , ويروح لها و يستانس فيها !
|[ القنفـذة في سُطـور ]|
تعتبر محافظة القنفذة آحدى المحافظات التابعـة لـ إمارة ( مكة المكرمـة ) , وتبعد
عنها حوالي الـ 350 كليو , وتعتبر ثالث آكبر محافظة تابعه لها بعد جدة و الطائف ,
مساحـة و سكانـاً حيث يبلغ عدد سكانها حوالي نصف مليون نسمـة !!
تقع على الساحل الجنوبي , فـ مكانها يُعد آستراتيجياً , فهي تتمحور في النصف بين
آبها و الطائف و الباحـة و جدة و مكة المكرمـة , و تعتبر قريبة منها ؛ و من المناطق السياحية ,
تمتاز بـ تنوع تضاريسها فـ فيها السهول و البحار , و فيها الجبال و الآوديـة ..
منطقة رائعـة لِـ الصيد سواء البري أو البحري فتتواجد ( الغزلان - الوبارة - القهابي - القماري ) ,
و كذلك لكثرة شواطيها كان لـ الصيد البحري جزء كبيراً من دخل بعض سكانها , جوها دافي طول السنة ,
أيضاً هطول الآمطـار يكون على مدار السنـة , وهي منطقـة زراعيـة بتواجد تربة مميزة فيها .. !!
+ في آحد التقارير التي عرضت على قناة الآخبارية :/
تحدث المذيع آنه / باريس المملكـة , بس ما أدري في وش !!
وهـذا مقطع بسيط جُمع فيه بعض الصُور عن المُحافظـة :/!
<= يمديكم ض1
نرجع لِـ محور طلعتنا !
الطلعة كانت ليلاً ما أدري وش جانا و تعازمنـا نمشي فليل , قلنا نروح
نرقد هناك و نصحى بدري آن شاء الله نلقى غزلانَ مِن هِنا و إلا هنَاكَ ، خاصة آنه
يتواجد مع شرقة الشمس ..
تعازمنـا أنا و خمسـة أشخاص معي و سيارتين , المهم رتبنا آوضاعنا على مهلنا خاصة أن
المنطقة مو بعيدة مِن مكان أقامتنا , بس تعرفون حوسة العزبة , وذا ناقص وهذاك مو موجود ، وإلا " غاز
فاضي و القهوة تبي ترتيب , والهيل مو موجود " المهم خلصنا كِل شيء ، ومشينا وصلنا هناك على
الساعـة 10 ، آخترنا المكان الزينَ على طول قلنا بننامَ , كُل واحد قربَ " فرشه " و آنسدح ..
الوضع كانَ مررررة تمام , وخلصنا سوالف , وعاد يا زينها سوالف و مصارحات ,
وآنت تناظر السماء كِلها نجومَ , ويجيك خويك ويقول متى بنفرح فيك < , عموما شوي
إلا الوضع مُزريَ ! ، (( البعوضـة )) ذابحتنا !!
ما خلتنا نرقدَ , ما أدري وش جابها كان الجوَ هاديَ و ما في شيء ,
بس سبحان الله ما أدري وش اللي خلاها تنقز علينا , فلان يفكر و ذا يفكر
وش الحلَ كيذا ما بنقدر نرقدَ , !!
لأنها حتى لو تدخل داخل فرآشكَ داخله معك داخله !
قلنا مافي إلا حلّ واحدَ ، " نشب ضوءَ " آن شاء الله تروح !
شبينا ضوء مثل ماهُو واضح في الصُورة والحمـد لله خفت شويَ ,
المهم آنا رقدت , وما حسيت فيها , آخوياي مثلي بعد لكن واحد متين
من آخويانا تعذب شوي بعدها رقد ,
صحينا على الساعـة 6 إلا الشمس باقي ما شرقتَ توضينا و صلينا
الفجرَ , لكن قبلها آنواع الآسئلـة وآكثرها " هل يجوز نتيمم " , لأن كان في
برد شوي و الماء كان بارد , فـ الشباب يبيون اليسر في الدين !!
طبعاً ما أحد تيمم ؛ لوجود الماء و عدم وجود برداً قارس ض1
بعد ما صلينا آحد الآخوان الله يعطيه العافية " زيّن لنا " ذيك الدلة
الميزونة وبراد الحليب و بسكوت ديمة , إلا على طاري بسكوت ديمة ,
آحد قد سمع قول الشاعر الرومنسي الماصل :-
وردني تالي الليل جوال ..
و آنا على شاهي و بسكوت ديمة ..
الرقم بايخ لكن الصوت قتال ..
كنه مثل صوت المذيعة حليمة ..
<= صح سسماجة أخي المتلقي ؟
المهم بعد ما روقنا , قال لنا آحد آخويانا وش رأيكم
نروح نأخذ لنا جولة قنصَ , أن شاء الله نحصل لنا شيء من
هنا وإلا هناكَ , ونتغدى عليه بدل آحد الدجاج اللي عندنا ..
كانت معنا ( ساكتون ناريـة ) و الطلقات كانتَ مرررة قليلة فقلنا
( القماري و الحمام ) ما نبيها < آحلى يا القويين , قلنا نبي شيء
دسمَ ( غزال - قهابي - وبارة ) غيرها ما نبي ,
المهم دورنا و دورنا و دورنا ما لقينا !!
المنطقة ذي كان فيها جحر شكينا آنه جحر فريسة لها شأنها آنتظرنا ليييين
ملينا ما طلع لنا شيء , قلنا صدق من قال ( عصفور في يدك ولا عشرة على الشجرة ) ،
رجعنا بخفي حنين , وما صدنا لا وبر و لا غزال ولا حتى عصفور !!
يوم جينا إلا الجوع طاق الشباب و الخبز نسيناه :/
لكنَ كان معنا معلبات , بس خبز مافي وش الحلّ !!؟!
ذي الحلّ سوينا خبز ع الصاجَ من حسن حضنا كان
في العزبة طحين , وتذكرنا أن معنا صاج فقلنا نسوي خبزَ !
< كيف شاطرين ض1
المهم آفطرنا وآخذتنا السوالف وحكاوي زمان , و تناقشنا
رياضياً و آقتصادياً و سياسياً و إجتماعياً و فنياً و تقنياً و ما أدري وش
<= ما خلينا شيء إلا سولفنا فيه بس بدون غيبة
في وادي قريب منّـا بس مو قريب مرة يسمى " وادي قنونا " ,
الوادي مرررره روعـة ماء دائما جاري , و الآشجار آنواع و آشكالَ !
و ذا مقطع أول ما دخلنا سيارتنا كانت صغيرة لأن الكبيرة عزبتنا كلها
فيها فقلنا نخليها في مكانّا و نرجع لها !!
فـ / تعذب رآعي السيارة الخطَ مرة زفتَ !!
+ طبعاً من آشهر الآودية في المحافظة و آجملها ,
صورتَ له صور كثيرة بس آغلبها شخصيـة , وما يصلح
آحط خشة فلان و علان هُنا ؛ خشية الفتنة
عموماً رجعنا بعد الجولـة الرائعـة إلى مكانا , و دورنا لنا ظلال
عشان قوة الشمس ، و هناك شجر " السدر " كثير ، و ظلها يكون
رآئق , فدورنا لنا مكان آستراتيجي و جلسنا فيـه !
على طاري الجبال و الآشجار تبون كمَ صورةَ لها عشان
تعيشون الجوَ مع الكشتة ؛ لا و تشوفون الربيع الزينَ , مو
الدمام يا حسرةَ لو يربع خطَ أبو حدرية طلعنا له
* كيف ناسبكم الوضع ض1
الوكاد تكينا في مكان حُلوَ تبون تشوفونه
لازم يعني ! آوكـي طالعوا بس على فكرة الكام مو لـ البيع :/!
الوضع مثل ما هُو الوضع قهوة و شاهي , إلى آن جاء وقت الغداء
قلنا نبي مندي دجاج , كان معنا برميل صغير حفرنا له في الآرض ,
وشبينا نار فيه عشان تروح المعادن اللي فيه و الكربونات ..
+ كيف البرميل تمام ؟ على فكرة نسميه (( ميفى ))
+
تبلنا الدجاج " بهارات + فلفل + ملح " مثل ما تشوفون ,
وحطيناه نص ساعة و طلعناه ، طبعاً الشعب السعودي مستحيل
يتغداء بدون " كبسة " فلذا توجب علينا فعل ذلك بـ / قدر خقة
في مكان ثانـي !
فما أدري وش جانا ما صورنا طبخنا بعدين ما أدري ليه ,
بس آستنتجت شيء :| يا آنه ما آعجب العيال , أو آن من
نكهتها اللذيذة نسينا ما نصور ض1
عموماً الحمد لله بعد الكشته ما آحد راح مستشفى آو كان
طريح الفِراش , حتى آشكك في قدرتي و مهارتي في الطبخ !!
بعد العصر شبينا نارنا , و جلسنا حولوها ,
و كلاً بس يسرد وش يبي يطمح له وش يتمناه , اللي
يبي وزير الصحة واللي يبي وزير النقل < وش يحس فيه ,
واللي يبي وزير التعليم .. ,
بس في واحد طلع لنا بِـ / طمووووووح :| ,
يقول يبي سفير المملكـة في بريطانيـا !!
< ما أحد قال محمـد !
المهم و آنا آدور آبي صور لتكية العصر طلعت كُلها شخصية ,
ما طلع معي إلا صووورة وحدة و حسيتها آحترافيـة قبل الغروب وما أدري
وشَ , بس آحس آنها إحترافيـة ما آدري ليه ض1
+ بعد تكية العصرية و السوالف العسلية ,
جاء المغرب توضينا و صلينا المغرب , وبعدها شغلنا سياراتنا
و إتجهنا إلى ( The House )
< ها مع اللغة آنفع سفير ض1 !
وبسسسسسسسس
ذي طلعتنا حدود الـ 20 سساعـة !
الصور اللي عندي حدود 300 , بس آغلبها شخصية
قليل الصور الخاليـة من الكائنات البشريـة الحيّـة !!
بس آتوقع كفايـة الصور اللي طرحتها
آدت الواجب و زيادةَ صحَ ؟
شسمـة في نصيحـة طبعاً ناوي آطرحها سواء كانت بند من
بنود المسابقة أو لا , فـ / ودي آطرحها لأنها من جد مفيـدة !!
مشكلتنا إذا جينا نتوضأء تقول نتسبح , وإذا جينا نغسل قدر تقول
نغسل سيارة , إسراف بشكل ما يوصف لِـ الماء , لا وينتهي الماء قبل ما تنتهي
الطلعة , وآخرتها لا صلاة تقام و لا قهوة تتزين / و السبب الماء ( خلّص ) !
اللي تشوفونه في الصووورة يوفر الماء بشكل مقتصدَ ,
وقيمتة رمزية و سهل التنقل , يعني لا تقولون صعب و ما أدري
وشَ , حطه في الشنطة و آنساه وأي طلعة آستفيد منه !!
+ قال رسول الله - صلى الله عليه و سلم - :-
[[ لا تسرف و لو كنت على نهر جار ]] ..
////
آخيراً :/!
آتمنى وفقت في طرح يسير و مؤجز لـ آخر كشتة لي , الكام
خلصت (( بطاريته )) و الجوال و خلص (( شحنه )) ، و آغلب الصور شخصية ,
وكان التصوير عفـويّ , يعني ما كنت آدري آني بآنزلها في موقع و إلا شيء
عشان يكون التصوير أول بِـ آول لِـ أي شغلة آسويهـا !!
+ فـ / أن وفقت فمن الله
. . . . . . و أن قصرت فمني و الشيطان !!
قفلـة :/
الكشتـة المزيونة .. !
ــــــ تبي رأس المسابقة المبروكـة =P
|||||||| مُحبكم / محمـد ( آبن بطوطة ) ..
.