( ما لهذا الصبر أخر) !
ما لـ هذا البحر مينا . .
وشـ بيدّي !
كل ما رفرف بقلبي حزن
غنّيته. . !
كل ما راود عيوني مزن
بكّيته. .
وش بيدّي . .
ماتخيّرت الكلام ولا تخيّرت السكوت . .
ماتخيّرت الحياة. .
بسّ يمكن
أقدر أتخيّر أموت !
لاتمرّ بروحي إلاّعابر وقلبي معاك. .
لاتمرّ جروحي إلاّ من هناك ..
منبعيد..
مثل طعم العيد . .
خلّك أبعد من مسافات الطريق اللي مشيت . .
خلّك أبعد . .
ما بقى في دفتري وقت وحنين ..
لولمحت أنّي حزين . .
لاتجيني . .
خلّني منّي وفيني . .
لاتجيني. .
القلوب أوقات تغريها المواجع
وأنت عارف . .
ما بكت عيني فراقك يوم طريّت الرحيل . .
كانت دموعي قصايد . .
كانت جروحي قلايد . .
كل جرح ألبّسه شعري ويفرح . .
شوف كيف أحيان بعض الشعر يجرح
رح بعيد
ماني راجع
القلوب أوقات تغريها المواجع
رح بعيد
رح بعيد
لاترد الزياره
لاتجيني . .
ما بقى بي قلب يستاهل حنينك
لاتجيني . .
مو رخيص ..
لاوربي . .
كنت أصدق من عرف قلبي وحبّه
كنت أوفى العابرين من الأحبه
آه يا أنت !
صار أسمك في حديث القلب كنت !
وآنا مليت أتعلّق في ضمير الغايبين . .
وإتعداني السنين
غيب أكثر
غيب أكثر
لإنك أقرب من قلوب الناس وأبعدهم مسافه . .
ياحسافه . .
مثل طعم الآه كنت ..
لاترد الزياره
ردّ لنفس الطريق اللي بديت به غيابك . .
آنا مو محتاج عطفك
كثّرالله خير قلبك
كان من ذوقكولطفك
بس أنا محتاج أكثر
من مجرد جبر خاطر
( لو) ترد الزياره
آنا محتاج لعمر ثاني أعيشه . .
شي أكثر من زياره. .
آنا محتاج لكثير
حتى لوقلبك كبير
آنا ياجرحي الجميل
باقي بعمري قليل
صدقني
كنت أغرّد خارج أسراب الطيور . .
كانت الأيام بور
وكنت أكابر
وآتقاوا
وآتهاوا
وآتهاوا
وآتهاوا
لين طحت ومالقيتك !
كنت والله
أيه وربي
كنت محتاجك كثير
ماذكرت!
وش كثر مني زعلت
وش كثر رحت وجيتك
ماذكرت !
كنت محتاجك صحيح . .
كنت انادي لك وأطيح . .
كثّر الله خيرقلبك
أنا مو محتاج عطفك
لاتجي . .
لا ترد الزياره