وبعد هذآ التقرير أكيد منكم من مآعجبه شوي الكلآم .
وفيه منكم عآجبه وبقوه 
توينتي :: اللي قالوه زي مآقآلت خطآي قبل التقرير ..
بالامس قريت نآشطه متطوعه تتكلم عن نفس التقرير وكلآم الشبآب
تقول فيه [ هذا الفديو تكلم عن ما في قلبي بنسبة 99% وربع !
فعلاً التطوع حالياً أصبح مهنة من لا مهنه له ! وفقد روح التطوع والاستمراريه
بالعطاء القديم هـ اللي اخذناها من جداتنا وامهاتنا
لما يقومون ببيت فإنهم يقومون فيه طول العمر
ولما يساعدون شخص فإنهم يساعدونه إلى أن يوقف على رجوله
الآن صارو يساعدونه ف يحددو الموضوع الي بيطلع
بالمجله او بالـ tv او بصور... الفيس بوك
ومايحتاج اضرب مثال عن عدد المشاريع المتبنيه لهالفكره ,
وسبق أنا شتغلت فيها من قريب او من بعيد
وكنت دائما اصر انو يا جماعه سوو شي باستمراريه والا بلاها ويتزبط كل شي شهر شهرين
بعدين يمشون وينسون الشخص المحتاج ويركزون ع الهاله الإعلاميه
و يحولون على شي ثاني وهم مستمرين يلتون ويعجنون
ويتكلمون بكل البرامج اللي يطلعون فيها عن مشروع واحد !
من باب اننا سنكون قدوه وننشر الخير
الخير موجود ودينا ربانا على التطوع من عمر الدنيا ع قولة امي !
فما يحتاج تنقزون بكل مكان بعددكم الهائل وعلى كل شي
من باب ان الشباب يشوفون اويقتدون !
اجل عيادة مرضى بمستشفى تتصور وينحط لها برنامج !
وين الغريب ؟ او المبدع أو المُبتكر بالموضوع !
ترا عيادة المرضى جزء من ممارس ]
النآدره :: اللي ياكد كلآم خطآي قبل التقرير هو كلآم المتطوعه ..
إنهم يبغون الظهور فقط وعشآن كذا ..يتكشخون ويتصلحون وتطوعهم وقتي
لحين إنتهآء التغطيه الاعلآميه وينسحبون
مرت سنه :: إيه للاسف بعض الشباب يتخذهآ عشان كذا ....
للاسف ي بنات هالشي موب ماخذ مساحه اعلاميه ، ومقتصرين انه عمل تطوعي فقط
النآدره :: سلوكهم و مظهرهم مو لائق بمتطوعين يبغون الاجر!
مرت سنه :: البعض بس ، لان كل شخص له نيو لوك خاص فيه ..
بس المشكله الخافي واللي من تحت ل تحت ،
و هالشي اللي يغيضنا ي بعدي لان هالشي موب بصالح ( التطوع )
النآدره :: الأغلبية ، و الخافي صار ظاهر للأسف ..
و شوهـ مفهوم التطوع الجميل إلي يرفع من منزلة المجتمع مؤ العكس
مرت سنه :: نتمنى تتغير هالنقطة السلبية بالتطوع ،
وبشدَّة عيالنا وبناتنا بنكون قدها ونقلبها ايجابيه
النآدره :: بإذن آللّه : )
مرت سنه :: وش اللي نقترحه برايك ؟
النآدره :: يا حبذا يكون تطوع البنات في مجتمع نسائي فقط بيكون أفضل و استر
مرت سنه :: جدا
النآدره :: لأن تجربتنا في التطوع المختلط فشلت فشل ذريع
مرت سنه :: لان هالشي راح يضيف اشياء حنا ي البنات بحاجتها..
وراح يكون هناك مجتمع متسع لاختلاط بذاته ( محرم ) كيف ينجح اساسا ؟
النآدره :: و نشاطات أكثر و انفع
مرت سنه :: وراح يتفاعل العنصر النسائي بشكل مثالي
النآدره ::أختلط التطوع بمعناه السامي مع الاختلاط. فنتجت الصورة المشوهة
توينتي :: كيف ينجح التطوع بوجود الاختلآط ؟
مرت سنه :: الاختلاط و التطوع ، هالشيئين ما اعتقد تنجح مع بعض ابد..
واحنا نتكلم عن السعودية بما اننا مجتمع مغلق مايرضى بالاختلاط ..
واذا حصل هالشي واندمج مع بعض اعتقد واوكد راح يحصل من وراه سلبيات كثيرة
توينتي :: ومجتمعنآ إذآ شآف إن التطوع فيه إختلآط
رآح يفهمون التطوع غلط وتحصل سلبيآت زي مآقلتي
مرت سنه :: بكل تأكيد .. بس تتوقعين يتطور التطوع ويكون منظم بشكل أكبر
ورآفضين الاختلآط ؟ وأكيد فيه تطوع بدون إختلاط ..
وبلا شك نجاحه أكثر من التطوع المخلوط ض1
توينتي :: أكيد ... انآ مع الاختلآط !
بس بطريقه مختلفه تكون الفكره موحده فقط بين الجنسين
والعمل مثلآ يكون الرجآل متفرقين مآأحد يعرف ويتدخل بالعنصر النسآئي
مرت سنه :: بس الواقع يظهر العكس للاسف :(
توينتي :: صح .. طبعآ عن البعض نتكلم
حكينآ وحكينآ .. في موضوع التطوع في المملكه ولآ إكتفينآ
المتطوعين , مآ أهميتهم ومآهي نظرة المجتمع لمآ يفعلون ؟!!
ومآ الذي يخبؤونه في تجمعآتهم التطوعيه ؟!!
مستمعينآ كل هذا وأكثر سنناقشـه معكُم
نروح معكم مع إتصآل مع " المزن الهلآلي "
لعل منهآ نكتفي 
رذآذ حُلم,
* ألووو .. مرحبآ مع ضيفتنآ العزيزه [ المزن الهلآلي ]
معآك إذآعه نبض الوطن .. شخبآرك ؟!
| ياهلا وسهلا
بخير الحمد الله ..،
* بآقه ورد معطره ..لِ موآفقتك الحكي معنآ ,
| لي الشرف يابعدهم
* [ المزن الهلآلي ] .. حديث إذآعتنآ اليوم حآر ودآر عن كل شي بالتطوع ..
وقلنآ نسألك .. مآهو التطوع بعينك ؟
| التطوع بنظري أي فعل خير لا ترجي منه مقابل ..،
* وفيه مره شفتي متطوعين ؟ .. وكيف كآنو يُرضُون؟
| كثير اعرف لك وحدة تشتغل دوامين صباح ومساء
مدة ست سنوات كمتطوعه
* طيب موقف تطوعي شد إنتبآهك وعجبك؟
| مجموعة بنات عاملين قروب في كل مناسبة يستغلوها لاعمال خيرية
زيارة مستشفيات ودور الرعاية والمسنين والأسر الفقيرة
ويقدمون دعمهم المادي والمعنوي ..
وكذلك اعرف ب3 بنات متفقين سوا يسددون إيجار سكن
عن وحدة فقيرة وعيالها ..
* آهآ .. طيب لك أقربآء كذا متطوعين؟
| الوالدة كثير ماتتفق مع صديقتها
وأختي كثير ما تتطوع في خدمة ذوي الاحتياجات الخاصة
*طيب وش تتوقعين نظرت المجتمع للمتطوعين؟
| المجتمع يحتااااجهم كثير 
* طيب سبق وعملتي عمل تطوعي؟
| الله واعلم
* تتوقعي .. المتطوع يستفيد شي .. ؟
| يكفيه مكافأة الرحمن
* ومآهو الشي الإيجآبي بِ التطوع؟
| أن ينمي إحساس الناس ببعضها
* نآويه على عمل تطوعي بِ قآدم الآيآم؟
| والله بصراحه هالموضوع كنا مكتمين عليه
عندنا توجه قوي لعمل تطوعي بيني وبين عبد الرحمن المقرن (توقيع )
وعبدالرحمن الشنيفي ونواف الجماز (وكذا بنت وشاب )
* مآودك تقولين هالعمل التطوعي ك خبر حصري لـِ إذآعتنآ؟
| هو قروب من شباب وصبايا مقررينه قبل سنة
يشاركون أطفال جمعية انسان في المناسبات
الفكرة فكرة عبد الرحمن بصراحة في ايام النجاح ناخذ هدايا ونحتفل فيهم
او نطلعهم مكان الجمعية رحبت ب هالشي
وبعضويتنا كأصدقاء للجمعية بس لهينا كثير
باذن الله نستعجل في ترجمة افكارنا
* وأخيرآ .. لو سويتي عمل تطوعي .. ممكن نشآرك معآك ننفع ترآ ؟
| اهلا وسهلا
* طيب حبيبتي كلمة أخيره منك لـِ إذآعتنآ وقآرئيهآ .. لانّ الوقت دآهمنآ
| شكرا لكم على مناقشة هالموضوع وفتح باب لهذا الباب الخيَر
واتمنى ان يكون ضيفكم عبدالرحمن المقرن للامانة
وعارفة انه بيزعل مني بس هو كثير يحب التطوع وأعماله
حتى أنه حظى بتكريم الامير سلطان بن سلمان
* شكرآ .. المزنْ ويعطيك العآفيه لأجوبتك .. إن شآالله مآنكون أشغلنآك
| العفو ولو اقل من واجبي الله يحيكم أي وقت ..
توينتي :: مشالله عليهآ عجبتني هي ووآلدتهآ وأختهآ
محبين لعمل الخير الله يكثر من امثآلهم 
مرت سنه:: مشاركة جمعية انسان واحتفالاتهم مشاركة تطوعيه من ذهب ،
روح طيبه وطاهررره تنبع من هالشباب والصبايا .. وهذآ مآيعني ( تطوع ) فعلآ
توينتي :: لمآذآ !
مرت سنه :: لانه هالشي دافع ل متابعيه ، ويحمس الاشخاص على عمل خيري
موب تميلح ورزات وترقيم .. فعلا قروب ( المزن ) جدا اعجبني واهنيهم ع الفكره
توينتي :: إيه صآدقه .. شي جميل عجبني بشده ..
و البنآت الثلآثه ذكروني بشخصيه قريبه مني متطوعه متكفله بيتيم .
مرت سنه :: أجرهآ عظيم عند رب العالمين و ( أعمآل خيريه )
مثل مآنشوف ك ياسر القحطاني وتوقيعه بريال واحد وزيارته للأطفال اليتامى
توينتي :: الله يزيد من النآس الطيبين أمثآلهم