سلة زمازم قهوه.. وشاهي عزبة مواعين دافور المطبخ كله الا شوي بـ أختصار "ميني مستودع " ! هذا كله تشوفه واللمن عند عتبة البيت قبل لاتطلع تكشت ثم تمشي من الفجر ويجي المغرب وانتتدور مكان صاد مدري ليه مكلفين على انفسنا وطالعين يعني كان خيمنا في حوش بـيتنا ابرك واوفر بانزين طبعا السياره يصير فيها حفله بدون كيك وقلق مابين مبزره مشبوكين في خط ميتين وعشرين ومابين واحد ماأدري من لابن عليه وقايله صوتك زين وحده تكلم تقول طالعين البر تجوونا ؟يعني يالله نبزاكم لحالكم تنادون معكم بعدزود ربع ليه طيب ي عالم افهموني قدور احساسي اناطالعه بغير جو وبغير فيس برضو عني للامانه ابي جنبنـا ناس مابيكم انتو معي لا قلنا خلونا جنب ذولا قالو لالالا وش تبون دشير الله ابو من جمعهم! يـحسسوني ان العالم كله دشير وحنا خلق الله المصطـفى همن ننزل وحنا دافقين العافيه اللى ينعسواللى يتمغط من كثر ماهو متكرفس فى السياره ولانزلنا فى الخلا عفوا قصدي البر معرض سيارات داير مايدور فرشة الحريم طيب ليه يرحم امكم ليه نبي نشم هوا أنسى ..و { ..... في اي كشته سعوديه بختلاف تفاصيلها انكتشوف هذا المشهد الكيوت اللى تشوفه في افلام هوليود يعني حطب و نار وزوجك يضمك انتي وياه في بلوفر واحد ويغني لك وهويحرك خصلات شعرك والبيبي قاعدين يلعبون بكل هدوء واحد منهم قاعد يقرا كتيب والثاني يمارس هيوايته لاااااا للأسف لا المشهد اللى بتعيشه غصبن عنك بزر شاطفك بدباب لين يثور التراب في وجهك وفيما انت تقول ي قليل الاد ........... مايميدك تكمل الباء ! الا كوره صاقعتن في دمجتك مناحد هواة الكوره الا ع طاري الكوره عيالنا على كثر مايلعبون كوره ماشفنا فيهم رونالدو ولا ميسي ..على كثرماتمشي وتشوف برحه فيها ملاعب تقول ان شاء الله لنا مستقبل باهر وفي كل بطوله ينهزم منتخبنا بـمالا يقل عن 5ويقال مدربنا « هيه ماكنك شطحتي الرياضه السعوديه هناك الزبده نرجع لـ مسلسل الكشته السعوديه الجميله اللى ماراح يكمل الا بصوركم اتحفونا بصوربطله عفووويه مافيها تصنع ولا هياط لأن كلنا عيال قريه وكلن يعرف اخيه يعني نظام بطلع البر ومعي اللاب توب وكوب كابتشينو وحاطه الهديفون تبسمعين بيتهوفن معليش ي بناتانا مقدره والله انو حنابنات نبي نعيش الانوثه واللحظات الحالمه لكن الشكوى ع الله جينا في ديرتن شهبا وعيالها اشهب منها الصور اللى من هالنمونه مانبيها يعني منجد ماتجي بر وكيوت نهائيا يعني اذ انتي كيوت مره لا تطلعين البر اقعدي انتي وكيوتك في بيتكم وانتو ي العيال هين ماشاء الله ماتحتاجون وصيه الا اني اقول حاولو حاولو تكونونم فاجأه هذا الموضوع خلونا ننصدم بـ عالمكم الجميل كذبو الواقع وقولو انكم تعرفون تصيرونشعب موب طعس موب قصدي انكم تصيرون ياي لا لاقدرالله لا لالا لو سمحتو مانبي حومةكبد وشغل الخكا يعني باختصار لا افراط ولا تفريط لا طعس ولا خكا * تدرون تعالو زي مانتو قابلكم الله . بس مو معناته الله قابلكم يعني مابه شروط .. فيه شورط وياليت نلتزم فيها عشان تكون كشتاتكم احلى ¬ « الشروط { ...... - تســتمر المسابقة من تاريخ7 \ 3 , إلى 7 \ 4 ! - الـمشاركة فردية . - العضو المشارك يطرح موضوع هنا في المجلس و يتضمن العنوان كلمة (مشارك ) - الطرح يكــون شامل لتفاصـيل الرحلـة .. من بدايتها حتى نهايتهـا . - عرض معلومات عن مكان الرحلـة و نبذة بسيطة عنه . - الا تقل الصور عن 20 صـورة . - عـرض فائدة أو نشاط يختص بـ إعداد الرحلات بـ شرط تطبيقها في الـرحلة . -التقييم 60 % من إداره المجلس - المشرفين والاصدقاء - و40 % بتصويت الاعضاء . « تـصميم / иеω мооη « مـقـدمـة / عــنفوان « فــكرة / ؟ « إعـداد / شَغـَفْ سيدة خلانها Јσσчj ™ᾄṱἕᾒ₣ أبدهشك! « تنــسيق/ شَغـَفْ