فكرة خطنطيرة حبيت اشارككم بهالموقف البسيط احد ايام هالترم اتفقنا انا وشلتي الموقرة اننا نجيب المشروب الغازي ذو اللون الاسود وبعض الاكلات الخونفشارية وللعلم: المذكور اعلاه من اشد المحرمات في قوانين المطرسة الزبدة اننا سوينا قرعة مين اللي تجيب الببسي ومن قرادة حظي طلعت القرعة علي آلموهيم اني جيت ذاك اليوم ومعي 12قوطي<<سموا علينا لا نطيح واحصلهم صافين طوابير يعني ما اقدر اطلع فوق او ازبن العلة اللي معي رزيت طولي معاهم المصيبة والبلا ان واحد من هالقواطي كان مترصد لي وبدا يخرخر علي وانا واقفة واتلفت يمين ويسار خوف لا تشوفني الوكيلة عاد يوم جاء دورنا واجيكم امشي بكل ثقة مصطنعة ايقآآلي والا اسمع ذيك الصرخة الناعمة<<امحق :هــــــــآآي انتي خير انشاء الله؟؟ والتفت بكل ثبات والاهي الوكيلة متخصرة وطايرة عيونها تقولون فناجيل <<تحسبني عاملتها >>>بعذرها تشوف هاللي ينقط تعالي ..تعالي اناببراءة:ويـــــن؟؟ هي:وين يعني؟عالادارة انا:ططــ..ـــييــ...ــبب وهناك في مقر السلطة العليا تتعالى الصرخات وتتوالى الاهانات وتتم المناوبة على تهزيء فتاة مسيكينة لاتريد من الحياة سوى ببسي(ن) يروي عطشها وكأنهم يحاكمون خلية من عصابة المافيا وكان قرار المحكمة الجزئية<<تسمع فيها 1-توقيعي على مخالفة 2-حرماني من نصف مدة الاختبار جزاء لي وردعا لامثالي <<<حسب اقوال السلطة العليا المشكلة اني يوم رجعت للشلة قالوا لي :خيرة..يمكن فيه سم والاشيء<<سم الله روسهم وهذا اللي صار واعذروني عالاطالة
I'm afraid ,!