صبـــــــــــــــــــــاح الخيـــــــــــــــــــــــر..
أعتقد الجميع استغرب القانون الجديد للموضوع هذا ..!!
والسبب أظن واضح..!! اذا كان الموضوع متروك مساحه للفضفضه والأشيــاء اللي تقرب الأعضاء من بعض وتسليهم
وتضفي عليهم فرفشه ومرح وفجأه ينقلب الموضوع لسبب أقل من تافه الى مشكله ووزعل .،،
وياليت على كــــذا ،، توصل لاهـــــــــــــــــانه وإ هــــــــــانة مين؟!! شخص يعتبر وبدون مجاملة روح الموقع ..
ما كنت أتوقع ولا أتمنى أني في يوم أتكلم باللهجه هذي لكن اللي صار يضطرني أوضح أشيــاء ماتوقعت انها
غايبة عنكم لكن اكتشفت أنها مو غايبة فعلا مثل ماتوقعت لكن البعض تجاهلها بطريقه سخيفه جداً تعبر عن فكره وعقليته ..!!
شــ’دمعة شوووق’ــهد ماكنت بادخل في نقاش معك ولا ودي أثير المشكله وكان بإمكان اتفاهم معك مثل مابديت
تفاهمي على الخاص واللي كنت متوقعه انك بتقدرينه .!! لكن مدامك اختريتها هنا ومثل ماقلتي أنك كتبتِ الكلام هنا
عشان اللي يبغى يستفيد !!..فهذا خيارك وكويس بعد ان ابغى غيرك يستفيد من ردي عليك ..!!
اللي ماتعلمينه ياشــ’دمعة شوووق’ــهد وغيرك من الاعضاء ..
انك غيبتي حقائق كثيره وتجاهلتيها بتعمد وياليت على التجاهل وبس اسأتي اساءة كبيرة وغير مقبوله ابداً لواحد من
أهم المسؤولين عن الموقع صدقني اساءتك هذي ماوجهتيها لروبن هـــــود! وجهتيها لنـــــا كلنا لان ماراح نقبلها عليه
ابدا !!
مو مجامله له عشانه مراقب ولاتطبيل ومصالح مثل ماتتوقعين،، لسبب وحيد ان حنا عارفين منه الشخص هذا ..اللي تكلمتي عليه .!!.
الشخص هذا اللي مو عاجبك اسلوبه وصفتيه بأوصاف أبعد ماتكون انها فيه !!
واللي حطيتي فيه غرور ..،وتكبر ..،وعدم احترام..، ومايعرف يعالج الأمور ..،والشخص اللي في نظرك مايهمونه الأعضاء !!
اقولك شي بسيط من اللي سواه ماتدرين عنه او بالاصح تجاهلتيه وهذا اللي صدمني فيك !!
روبن هود بتكلم عنه من ناحيه قسمي المجلس ولو عديت اللي سواها للموقع كله ما أحصينــــاه ،،
روبن هود واللي كان خلف تطورات المجلس هذي وهو صاحب فكرة تطوير المجلس ومن عملنا هنا وكان دورنا كمشرفين تنفيذ فقط..!
وكل شي بتوجيهات وتعليماته وما ابخس بقيه الادارة حقهم لكن روبن تبنى مرحله المجلس الجديدة
من البداية وحتى بعد ما تعين لكزس ماابتعد عنا ودايما تحت شوره ..
وتدرين وش كان أول شي كان يهمه ؟! يهمه مثل هذا الموضوع اللي انت أساءتي له فيه ..
لان هدفه ان الاعضاء يكونون مع بعض على الحلوة والمرة هدفه انهم ينبسطون مو يزعلون !!
واظن الكل يذكر رده في بدايه هالموضوع وكان يقول دايما احب هالموضوع عشان المستانس نستانس معه والمضايق نواسيه !!
وانقلب الموضوع من اسلوب اليوميات الا اسلوب الشات وبرضا روبن
هود هو لانه شافكم تتفاعلون بهالاسلوب وهو اكثر مراقب يدخل هالموضوع ويكتب فيه ويشاركنا وهذا محد ينكره ..
وازيدكم من الشعر بيت ،،الشات اللي يفتحه كل اربعاء مع انه مو ملزوم يفتح شات والموقع في دردشه كتابيه !!
بس كان يهمه اكبر تواجد من الاعضاء لانه مو الجميع يدخلون الشات ويفتح الموضوع ويكون غالبا هو المتواجد فيه
لوحده مع الاعضاء وانتِ ادرى بالباقي !!
وش اقولك بعد وش اخلي ..!!
جميع المراقبين ماقصروا واسلوبهم كلهم اتحدى تلقونه في اي موقع بمثل هالتواضع والبساطه
لكن دامك خصيتي واحد منهم ونسبتي له شي ماهو فيه !! وهو اكثر واحد يشارك الاعضاء مع انه مافي شي يجبره على كذا !!
كل هذا و في نظرك مايهمونه الأعضــــاء !! و غرور....!! راجعي كلامك وبتعرفين وش قلتي !!
صدقيني اذا كنت قبل اتمنى رجعتك فالآن وبكل صراحه ماتمنيتها..!!
تدرين ليش ؟!!لانك اساءتي لنفســـــــــــك أولاً لك الحق تتكلمين وتتجرأين!! بس انك تحجبين حقيقه واضحه والكل عارفها فهذا اللي مانرضاه فضوء الشمس لايحجب ياااا
شــ’دمعة شوووق’ــهد ...!!
يمكن كلامي قاسي عليك ..بس تأكدي ان الكلام اللي قلتيه اقسى علينا لانه صادر من عضوه نعتبرها قديره بينا
هذا الكلام لك ولغيرك مثل ماقلتي انتِ في ردك السابق عشان الكل يستفيد ..!!
وفعلاُ نبهتينــــا على أشيـــــــــاء مانتبهنا لها لكن من اليوم و طالع كل شي بينحسب له حساب ..!!
وبيعطى قدره ..!!
بقية الاعضاء لازم تعرفون ان الشر يعــم والخير يخص ..!!
واتمنى ما يتكرر اللي صار مرة ثانيه ، واتمنى الالتزام بقانون هذا الموضوع ..
مع تمنياتي لكم جميعاً بيوميات سعيــدة في مساحــــــات هذا الموضوع وفي مساحــــــات حياتـــكم :)!!..
روبن هـــــــود :
اسفه على كلامي وتدخلي .. بس الموضوع ماصار يعنيك أنت الموضوع يعنينا كلنا واللي يمس احد هنا ..! يمسنا كلنا فكيف بك أنت ياللي دايم تعطينا أخرتها نقابلك بنكران جميل وجحود ....!!
وبصفتي مشرفه القسم ما اسمح ان يكون كل هذا في قسمي وامسحها في وجهي وماتتكرر ان شاء الله ..!!
وكلامي هذا اكثر من ماهو لشخصــك فهو فقط لاظهار حقيقة غُيبت !!
وماقصرت والله يخليك ووزملائك المراقبين لنـــا :)..
ولكـــــــــــم ودي وتقديري :)
لحظات سعيدة اتمناهـــــــا لكم