*
*
*
*
ياهــلا وغلا بكل الحلوين القناصين ..
اخبــاركم .. وش مسوين مع زحمه هالامتحانات ؟
ربنا يوفقكم ويوفقنا وننجح ونسوي حفلـه هنا
المهم انا عارف ان نصكم ان كان موب اكثركم منهبلين يوم قروء عنوان الموضوع :D
لان يعرفون ان صاحب الموضوع <<< اللي هو انا ضايع مع اللبنانيات
وخصوصا الشيفه اليسا p17 <<< سبحان مغير الاحوال p8
>>>> كني اسمع عشر طعش واحد يصفقون اعمارهم كفوف يقولون حنا بحلم ولا وش
ولا خمس طعش واحد يفركون عيونهم يقولون ذا ماغيره فيصل p8
مع سالفه الدكتوره اريج p9 واللي شافها روبن هود قبت سالفه قويهـ وزعلوا منها بعض الناس
فقلت انزل هالموضوع واتكلم بجد بعيد عن ذيك الردود اللي كانت بموضوع المجلس متاح لكم .. لاشئ سوى نبضكم
اللي كانت لرفع الضغط بس p2
*
*
*
احم سلموني المكرفون
انا فيصل ابن هذا البلد المعطاء <<< يبي وظيفه :D
اعترف باأني كان هناك تراباً مرشوشاً على اعيني وكنت لااعرف الجمال الحقيقي
كما هو حال شباب هالايام وللاسف
كنا اتوقع ان الجمال هو مكياج يلطخ ووجيهاً مافيها مطبات ولاحفريات :D
وجسم تقول قلم رصاص توه مبري :D
8
8
بالله وش تبي اكثر من كذا p17
بس انا لما فكرت وفكرت واجداً << اخت كثيراً :D
عرفت ان الجمال الحقيقي هو بالعفه والحشمه
<<< اول مره اصير عاقل
8
8
8
8
كل هذي مقدمه للموضوع اللي ابتكلم عنه
وش رايكم تقطعون الخط وتروقون على الموضوع
بسم الله نبدء بالموضوع
انا اشوف هالايام ان بعض شبابنا طايرين بالعجه باللبنانيات والامريكيات
ولايهونون بناتنا اللي طايرين بتوم كروز ولا براد بيت < وهـ بس يازينك p9
يعني الحين ليش هم اتجهوا لصوب << (( متعوب عليها:D )) ذيك الدير ليش مايعجبون فيني <<< من زينك ياشيخ p2
بصراحه يعني كل ماشفت موضوع
لقيت واحد يقول اجمل بنت هي اليسا p8 <<< تخسي والله لو يشوفها بدون مكياج
ولا عمليات تجميل كان اغمى عليه من شينها < ايه صدقتك :D
وبعد لو تشوف بنتنا توم كروز قبل مايدخل غرفه الحلاقه كان عرفت ان اشين واحد
بديرتها احسن منه بالف مره p17
<< مثال حــي هذا الشاب وسيم جداً
مشكلتنا حنا <<< يعني كل ابونا :D
اننا نطير بالعجه لما نشوف بياض ولا عيون وساع
مثل عيون باسكال مشعلاني
<<< انا اشك عيونها ممططينها ثنين ليين صارت سذا:D
ولا مافيه عيون كبر عيونها p8 <<< راحت فيها بكره يمكن تسمعون خبر انها صارت عمياء :D
مواضيعنا او ردودنا نلقى حرب من الشباب على البنات والعكس <<< عجاز :D
نلقى الواحد يذب على الثانيه يقول لها
انتي شينه ووجهك كله خشم:D .. وعيونك صغار كنها مصاقيل :D
واهم شي يذكرونه ان ركبهها سود :D <<< هذي ترفع ظغط البنات من جد وانا بعد ترفع ظغطي <<< مع الخيل ياشقراء:D لا بجد الحين وش دراك ان ركبها سود انت وخشك يالتمساح ياشيخ والله اشك ان ركبها انظف من وجهك p17
<<<< بيتصفق من التماسيح
عاد بناتنا تلقاها انواع الصلخ على العيال وخذ ياشــّـب عليهم
انت وبراطمك ذا السود:D ... ولا شنبك اللي غاط في خشتك :D
واهم شي اللي يرفع ظغط الشباب اذا قالت له
البنت رح انت وكرشتك اللي سابقتك <<< يااختي يقدر يسوي رجيم وينحف لاتضيقين صدره p3
<<<< اشوا اني معصقل ;) <<< بس ماعليه يجيني من الذب دايم يقولون رح
ياشيخ كثر من ملابسك لايطيرك الهواء :(
بس لو جينا للجد مال الواحد الا ولد ديرته او بنت ديرته وكل هالكلام اللي فوق مزح بمزح
ولا كل واحد ضايع مع الثاني ;)
خلوني ابدء بنا كشباب <<< شباب ولا هلال <<< ياقدمك :D
والله يافيه ناس مزايين من جد يخلونك تسعبل حتى لو انك من جنسهم
يعني عليهم طول وبياض وعيون وشي خيالي
والله اشياء ماتلقونها في رجاجيل الدير الثانيه
صح ان بعض الشباب ثقيل دمه ووجه بايخ بس عاد نلقى فيه اشياء ثانيه حلوه
يمكن يصير يعرف يشخص شخصيه الكوبراء <<< اهم شخصيه عند الشاب السعودي :D
صح ان رجاجيلنا قراوي وشاطفين التقّدم ولكن ياحبي لهم كلامهم عسل على القلب
يازينهم ليين قالوا وشلونتش وش اخبارتس ..تبين اوديتس لااي سوق اليوم <<< ماتسمع الا انواع التصفير :D
*
*
*
يعني نلخص شخصيتنا كشباب او رجاجيل او شياب:D في
1/الجمال <<< قولوا ماشاء الله
2/الاخلاق <<< مع الجنس الناعم فقط ..!! :D
3/الكـّرم <<< انا اشهد اننا في الكرم لامنافس لنا
< ياشين هالسمايل ههههههـ :D
4/الغيره <<< عاد هذي اهم شي فينا
8
8
8
بالله يابنات وش تبون اكثر من كذا باللهp3
يعني كل هالمواصفات في زوجك والله ياانتس تحسدين عليها
ليش نشوفكم تلتفتون على شباب الفضائيات وتقهرون رجاجيلكم واخوانكم في المنتدى < احم انا
خلي عيونتس في زوجك واتركي عنك الدشوش p17
عاد الحين للجنس الناعم .. الجنس اللطيف
<<< يحس ان الشباب يقولون بدري مابغيت تجي لمهم :D
بناتنا احلى بنات ولا عزاء لااصحاب الدشوش والسفريات p17
يااخي يازينهم زيناه بناتنا كلهم حلى ورقه وجمال <<< يارب اغفر لي :(
لا جد بناتنا وربي حلوات وحليوات <<< يعني موب لازم كلهم يطلعون زيون :D
بالله سؤال للشباب الجنس الخشن ليش انت ضايع مع نانسي وهيفاء
او اليسا وهالايام ضايعين مع مايا ومنال وريم << p9 < امزح بس تعرفون كنت احبها
انا ابجاوب عن نفسي لاني كنت ضايع
بصراحه كانوا يشدوني ببياضهم الخرافي يعني من شده البياض
احس اني ابشوف عرقوهم
بس لو جينا للجد نلقاهم حاطين كراتين ميك ابp17 << وش رايكم اعرف حركات المكاييج :D
ولو جينا للوجه سابقاً تلقاه انواع التعرفط والتصفط << وجع ذا موب وجه ذا كرشه :D
بس بعد عمليات الشد والتجميل تلقى وجهها تساوى :D
عاد اكثر مايشد الشباب لبس هالبنيات اللي بالدير الثانيه << بنات اوربا واللبنانيات p17
لبسهم اهم شي يشد نظر الشاب عندنا تلقاه مايدقق الا في اللبس وبس
وانا مع الشباب لان مثل هاللبس يشدك وربي غصب عنك
يعني الحين ليين جتك ولبست الشنقيط
<< جنز ضيق بس على روايه جدتي اسمه شنقيط:D
غصب عليك بتحس انها زينه وملكه جمال بس لو تلبس قميص من ابو 10 ريال عرفت انك
كنت ضايع وماتعرف وش الجمال الحقيقي
انا اقدر احلف واحلف ان بناتنا لو كانوا يفتشون كان ماراحوا شبابنا لم بنات الستلايت
وكان مانشوف الا انواع السعابيل تقوطر من خششهم :D
والله ياعندنا بنات احسن واحسن واحسن مليون مره من اليسا وطقتها p3
بس حنا يالشباب مانقدر نشوف لان بناتنا يتغطون وماتشوف الا زوال اسود
ولكن لو بغيت اسأل امك ولااخواتك <<< لاتسال الا كانك تبي تزوج ولا غيره لاتسال
عن مواصفات البنت لان هالشي حرام
<< ياحبي لي وانا عاقل p9
وان كانك تبي تشوف الزين شف امك واخواتك وعماتك وخالتك <<< وان كانهم شيون عاد وش اسوي لنسلكم ذا اللي كله شين :D
المشكله ان دايم الشباب يقولون ان بناتنا جمالهم من العدسات والرموش الصناعيه
والمكياج والديرما <<< للعجز بس :D
المشكله انهم مايدرون ان جمال بنات الفضائيات كله من عمليات التجميل من نفخ الشفايف ولاتصغيرها << ماطلعت شفه ذي
ولا من تفخ الخشم ولاتنسيمه << طالعه كوره :D ولا من شد الوجه p17
يااخي انا ابصم بالعشره ان شبابنا ذا اللي يكتبون بالمنتديات
ان بناتنا اشين بنات وان بنات الفضائيات احسن بنات انهم نصابين 100%
بس هو يكذب كذا يبي يرفع ظغط البنات وحرقهم ويحطمهم
ولا هو ضايع معهم ويتمنى انهم يتزوج منهم اليوم قبل بكره
<<< انا اول واحد يحب يرفع ظغط البنات مثل مارفعت ظغط شهد اليوم
بمعني اننا نلخص شخصيات بناتنا او حريمنا او عجزنا
في مايلي
1/ الجمال <<< رباني
2/ العفه والحشمه <<< والله ماتلقاها الا في بناتنا
3/الاخلاق والدين <<< يازين اخلاقهم زيناه
والدليل شرانيه
4/ الطبخ <<< يمدحون الو محل فطاير توصلون للبيت
لا جد يازين طبخ بناتنا بس المشكله امهاتنا مايعطونهم فرصه
<< لقيت لكم تصريفه يالبنات ;)
8
8
8
انت وياه يالتماسيح بالله احد يلقى مثل هالمواصفات
ويروح لربع نانسي وطقتها
< بن خوري امزح ترى :D
والله يكفي ويكفي ويكفى عفه وحشمة بناتنا
والله ياأننا محسودين عليها بشكل ماتتخيلونه
اعقلوا وامدحوا بناتكم مع انهم موب محتاجين منكم مدح لان واثق الخطوهـ يمشي ملكاً
بس على الاقل لتهزئونهم ترى بناتنا ركيكات
:D
مايستفاد من هذا الموضوع
1/ ان شبابنا الاحلى
وبناتنا الاجمل
ولاعزاء لشباب وبنات الفضائيات
2/ ترى انا كاتب الموضوع وانا بكامل قواى العقليه والجسميه
3/ الموضوع قابل للنقاش سواءً نقاش بدون ضحك او بضحك
<<< الله من زين الاسلوب
4/لازم نفتخر بجمالنا ولا ترى بيروحون فيها الجيل القادم وياخوفي عليهم من الانتحار
5/ كل واحد يدخل الموضوع يرد .. بس يعلمني انه قرء الموضوع وانه مقتنع بالكلام p17
اخوكم شاب من السعوديه
المزيون فيصل < حسيت اني مغرور :D
سلامو