أول شي حمدا لله على السلامه طبعا انا مبتسم لاني كنت متوقع الخروج من أيام البطولة الخليجية وأيضا زاد يقيني بالخروج مباراة سوريا ... ريحوني من متابعتهم بالاختبارات تصدقون خلو العالم على الأقل تعرف تذاكر أسباب الخساره بإختصار .. اسباب بشكل عام تراكمت واهملها الجميع وصارت مشكله وعائق كبير .. أول عائق في القاعده .. لا خطط مدروسه لا مدرب صاحي زي الناس والعالم جب لي مدرب مثل جريتس مدرب كبير يخرش اللاعبين خرااش لين يعرفون الله حق هذا أولا .. ثاني .. وين الخطط يا عزيزي وديات زي الناس والعالم .. تلعب لي مع العراق والبحرين ومدري مين وتقول لي اعددت منتخب ! بعدين يا ليت هالوديات على فووز وعلى فايده خسارة وتعادلين وكل مباراة تتشكيل مختلف ثالثا .. الاعلام والي يسمعهم يقول خلاص البطوله للسعودية السعودية الوصيف والبطل وووو وو وانواع الترييش ومجموعه سهلة وو لدرجة اني أجزم ان اللاعبين كانو واثقين انههم بيتأهلون للدور الثاني بأسهل ما يمكن وداخلين قطر وهم متفائلين لا اله إلا الله رابـعا . تكتيك المنتخب البدائي جدا .. إلي لو منتخب اليمن ما يلعب بها التكتيك ! هجوم بأسماء ناريه لكن ما فيه شخص مهمته التي يجيدها هي صناعة الللعب إلى لاعب واحد وهو الشلهوب لكن عقب ما انفلقت الفلقه توهم يلعبونه وين محمد نور ؟ وين عبد الرحمن القحطاني ؟ نظريات مدرب غبية جدا خامسا .. الدفاع يا عمي موب راكب أصلا السعيد والشهيل متفقين عليهم ولا كامل موسى وشهيل اووك لكن هوساوي والمولد هنا نوقف شي المولد يلعب قلب دفاع يمين لاعب قلب دفاع يسار كيف ؟ وهو يشوت باليمين ؟ خطا ولا يسويه مدرب مبتدئ "؟ يعني يا تلعب هوساوي يا المولد ويصير قلب الدفاع اليسار واحد ثاني يعرف مركزه زين سادسا : المعروف والمنطق يقول ان البطوله الخليجة هي خير استعداد لآسيا ياخي ليش طاب بالرديف ؟ ما أبغا أخش امور سياسية .. لكن لو كان التشكيل الرئيسي لاعب في الخليج كان الانسجام وووو التكتيك وكل هذا عرفنا نضبطه لانك في بطوله قويه وخليجية ... لكن لا ذا ولا ذا .. شي صعب بصراحه لا ألوم احد من اللاعبين لأنهم من فتره كبيرة ما لعبو مباراة مع بعض وأقصد هنا مباراة رسمية .. ! يا لبى سامي والثنيان بس غنو ياليل مطولك أحسن لكم لا اطيل عليكم مجرد فضفضه ..