اقتباس: المشاركة الأصلية كتبت بواسطة محمد الجهيم * * * ببساطة هذه هي " المطرسة " . تبي تقنعني توك تعرف ان بيسيرو ما ينفع ! من تصفيات كأس العالم يعني من 2009 و أنت ما انت عارف ! يا عزيزي المشكله مهيب في بيسيرو و بس المشكله اكبر من كذا بواجد . اتحاد سعودي كل خططه مبينه على قاعدة كيف ما اتفق. ما فيه اي نوع من التخطيط أو المنهجية او تحديد الهدف . اول شي تعال يا الاتحاد السعودي ، ليه ما تستغل ايام الفيفا استغلال صحيح عشان تجهز المنتخب مهوب بس تعال جمع اللاعبين ثلاث اسابيع و العب كم مباراة وديه مع منتخبات مالها داعي طبيعي يصير مستواك كمنتخب من جرف لدحديره . يا اخي الهلال جاب مانشستر يونايتد و فالنسيا ، النصر جابوا ريال مدريد ، يا اخي اندية سعوديه قدرت تلعب مع انديه عالميه و الاتحاد السعودي ما هو قادر يجيب منتخب عليه الكلام يقدر يباريه في ايام الفيفا . لا تجيب لي منتخبات مستواياتها خياليه مثل اسبانيا و البرازيل بس يا اخي جب منتخبات فعلا يستفيد المنتخب من الاحتكاك فيها ، و تقدر نقيس عليها المستويات ، يا اخي جب الاورغواي ، البارغواي ، منتخبات شرق اوربا رومانيا ، بلغاريا ، صربيا ، جب منتخبات صح تلعب معها و منها تجهز منتخبك من خلال ايام الفيفا و الاحتكاك بالمنتخبات العالميه طول السنه . مهوب تجمع لي اللاعبين و تعال عسكروا لكم عشر ايام و الا اسبوعين و لعب مع منتخب ابو قرش و هذا اعدادك . يا اخي جب مدرب صاحي و يا كثر المدربين الصاحين ، ارتقوا بمستوى تفكيركم كاتحاد و خلو عنكم بطولة خليج و بطولة عرب تحسون الدوري فيها و تحوسون رزنامته و اللاعبين يقعدون يتصارعون على اكثر من جبهة . كأس العالم 2002 طلعنا منه و قلتوا بنسوي و نسوي و بنخطط و نحط و نفعل و 2006 و نفس الكلام ما تغير شي جا 2007 و تأهل المنتخب للنهائي و هذا هو المنتخب الذي قوي و من الكلام الفاضي و حنا دارين ان وصول المنتخب للنهائي في ذاك الوقت كان بتوفيق الله و دعاوي الشيبان و العجز. إلى متى ! إلى متى هذا التخبط ما بقى منتخب زلابه ما فاز علينا ! نحن الذين اسياد اسيا و الخرابيط ذي ما توكل عيش و على فكره يا اتحادنا المبجل ، وضع المنتخب السعودي السيء ما هو بسبب ان المنتخبات الي حولنا تطورت و حنا مكانك سر لا ، المنتخبات الي حولنا تطورت و حنا تراجعنا عن مسوانا السابق الى اردى. ودي يوم اقول ان المنتخب خسر لكن سوا شي حاول لكن ما الله وفق ، ساعتها و الله انا راضي لاني باشوف ناس احترقت وسوت كل شي لكن ما كتب الله ، لكن حواق مثل كذا يرفع ضغط الواحد ليه ليييييه لكن خساره و مستوى اقل ما يقال عنه ضعيف و و نجي نقول بيسيرو لحاله هو السبب . وش بيسوي ناصر الجوهر مسكين علموني وش بيسوي ، من ناحيتي انا ان قدر يوصل المنتخب لدور الثاني فمن عندي بأقوله كثر خيرك و بيض الله وجهك لانه وقتها بيكون فعل المستحيل. اجل بطوله دوليه مهمه و تاريخ و تجيني من اول مباراه و تقول اقلنا المدرب، يا اخي الي بيعد منتخب يبدأ من الاساس من المدرب مهوب وهو داخل البطوله و اول مباراه و يخسر فيها يفطن ان المدرب و الله مو كويس و بنقيله. أقولها و بصراحة السبب الأول و الأخير في خسارة اليوم و الخسارات السابقه و الخسارات الجايه هو الاتحاد السعودي لكرة القدم تحياتي للجميع ^^ في الصمييييم مع التحية عطاكم الزبده 1 / هل ترا ان الاقاله تأخرت ؟ او انها في وقتها ؟ والله موب تأخرت .. إلى ماتنا وانا نتحري اقالته من بطولةالخليج وهو يمسخر في اومنا وانا ننقول لااا بسوي شي ... فاز بنا على ايران وصجونا بإختصار جب مدرب يخرش اللعيبه مثل جريتس .. أما مدرب أبو نعيله ذا ما ينفع