سَـ1 // خلف يوزر ( ][ الفجــر البعيــد ][ )
من يكون في سُطور ؟
- جْ : تركي الدوسري ..
مسلم عربي سعودي 
أحب الهلال وأحب ياسر 
وبعدددد أحب كل أنسان دمه هلالي 
وشاعر ..
سَـ2 // إنمضامك لـ( موقع القنــاص )
كان بمحض صدفة أم ماذا ؟
- جْ : يالله زمان يا فن تصدق ناسي .. بس كنت ابحث عن اغنية لـ خالد وطبيت على القسم الفني طوالي وصرت كل يوم اخش هالقسم الفني بعدين حبيته ويوم حبيته أبتدأت العلاقه و صرت مشرف عليه < -- لا عاد تعبر تكفى
وهذي معلومه يمكن البعض أول مره
يعرفهاا عن الفجر البعيد .. بأني مشرف سابق للقسم الفني
اللي اصبح الحين بانوراما .. !! 
سَـ3 // الشبكة العنكبوتية ماذا أخذت
من ( ][الفجــر البعيــد ][ ) وماذا أعطتـه - وبالأخص
ملتقى جماهير ( ياسـر القحطاني ) موقع القناص ؟
- جْ : أخذت مني أمي الله يطول بعمرهاا 
طبعا ً هذاك أول .. !! لدرجه امي صارت تقول لي
تريكي < -- اسم الدلع تقول تريكي وش رايك وانا أمك تصور وتحط صورتك في صدر المجلس عشان اشوفك كل يوم 
طبعا ً البيت مافيه الا انا وامي بس عشان كذا هي تفقدني دايم 
أول الموقع ياخذني منها والحين الدوام .. 
أعطتني حب الجماهير خخخخخخخخخ
< -- وش عنده ياسر التويجري
والله أعطتني معرفة الرجاجيل مثلك وشرواك
ومعرفة أبو عزوز ..
وأيضاً يوم تطرح موضوع أو قصيده
تحصل ردود تحفزك للكتابه
لو تنشر بأكبر المجلات الشعرية او الرياضية
ما تحصل نفس الحافز على الشبكة العنكبوتية ..
سَـ4 // كنت من المشرفين الأوائل بالصوت الخاص
بِـ جماهير الكابتن ياسر كيف كانت التجربة حدثنا عنها ؟
- جْ : والله تجربه جميله وبطبيعة الحال < -- ما يقلد أحد
قسم مثل الصوت واجهه مهمه للموقع الكل وخصوصاً الزوار ولا يهونون
جماهير الجار( محد صديقنا ) بعد أي مباراه أو أي انجاز أو مقابله ياسريه دوووغري للصوت مخلينه بالمفضله عندهم فكنت أنا والمشرفين وقتها إبراهيم عاشق الزعيم ومجنونه هلاليه نحاول السيطره عليه ..
بس أكثر مرحلى عانينا فيها يوم حصل ياسر على لقب
أفضل لاعب آسيوي .. 2007
العراقيين محضرين هنا وخصوصا ً الجنس الناعم 
وفي الجانب الآخر الاخوان الخليجين قطر والامارات والكويت سجلوا يباركون ويهنون وكانوا بقمة السعاده ..
فمن قوة الضغط تقفل الموقع .. السيرفر وقتها ما تحمل .. وجلسنا يومين ورجعت الحياه لـ مجاريها أقصد عادة المياه لـ مجاريها
< -- فيصل بن تركي خاش بيوزري
سَـ5 // موقفَ حصل لك مع الكابتن ياسر القحطاني ?
- جْ : المواقف كثيييره ..
بس مره كان طالع من التمرين
والشباب نايف السهلي وشلهوب سدير وأعضاء الموقع
كذا شخص تجمعوا عنده للتصوير وتبادل اطراف الحديث معاه ياسر يناظر بعيييد حصلني كنت بعيد منهم .. قال الفجررر وش فيك ليش مستحي طبعا ً انا بـ طبعي خجول .. 
تعال تعال قرب هنا ..
قلت لا والله ما أحب تجمع الشباب
امي تقول لا ناظرت شباب مجتمعين لا تقرب لمهم < -- حسيتني خكري قال لا تخاف ما راح نخطفك تعال
سَـ6 // متذوق للفنَ وخالديَ الهوىَ
من يطربكَ أيضاً وماذا يعني لك آبونايف ؟
- جْ : آآه يا خالد صراحه يخوني التعبير عند ابو نايف .. خالد هو [ المتحدث الرسمي للمشاعـر ] ..
ما تصدق لو أقول أنك حياتي في كل شي
سمعي وشوفي أنت
دمي وإحساسي ..
بأسم الهوى لا زلت
فكري وهوجاسي ..
يطربني بعد خالد أبو نوره وراشد وماجد المهندس ..
سَـ7 // آسياَ ستفتح الستار بالسنة الجديدةَ رؤية
بسيطة عن الأخضر السعوديَ وتوقعاتك للكابتن ياسر ؟
- جْ : الأخضر من زمان عنه .. يا اخي مدربنا
ما عنده ما عند جدتي بس الشكوى لله
من يومه بالهلال ما أحبه يمووت بالمحاور منتخبنا قوي هجومي هزازي ياسر الشمراني وراك الشلهوب عبده عطيف
وشهـوله تقلبها دفاعيه ؟
وتلعب برأس حربه واحد !!!
والله شوف البطوله يمكن تجي بس اذا تغيرت قناعته واذا بقى على فكره العقيم الدور الأول ويخب بعد !! ياسر متفائل البطوله هذي راح تخرج لنا في ياسر جديد
ياسر افضل من كل المواسم حتى من 2007 !! سَـ8 // فيه آحد لقاءات الكابتن ياسر الحصرية لشبكة
القناص تحدث القناص عن يوزر ( ][الفجــر البعيــد ][ )
ماذا يعني لك هذا المقطع ولو فتح المجال مره آخرى
حالياً وش راح تسأله ( هُــنا ) ?
- جْ : أكيد يعني الكثييير .. يكفي انه من الملك الأزرق والنجم " الجماهيري " الأول بالخليج العربي يآ ( سر ) الهلال 
أي كلمه من ياسر وربي لها تأثير سواء بالمقطع هذا أو على الطبيعه
على رآسي والله يا أبو عزوز وهو كريم وأنا أستاهل
+ لو فتح المجآل بقوله ..
أنتشر مقطع باليوتوب عن كلامك بأن " خالد عبدالرحمن "
هو فنان العرب الأول مما أثار حفيظة جمهور أبو نوره وجعلهم يشنون عليكم حمله بمنتدياتهم
رغم أنك قلت بكلامك من " وجهة نظري " الخاصه
يعني رايك الشخصي :
وما صادرت آراءهم .. !!!
خصوصا ً بأن صاحب السمو الملكي
الأمير / خالد بن سعود الكبير ..
طلع عبر جريدة الشباب الأول " الرياضية "
وصرح بنفس التصريح وقال خالد فنان العرب الأول !
وش تقولهم يا أبو عزوز ..
أو بالاحرى كيف تفهمهم ؟؟
وووبس
سَـ9 //رأيك بفكرة ( ياسـَر في أسبوع )
ومايطرح من خلالها وآي الفقرات تعجبك ؟
- جْ : للأمانه مقل بالمتابعه انا اسجل دخولي وعلى مدونتي
((( زحمة مشاعر ))) بالنثر قليل اخش هنا وهذا تقصير مني بحكم
أن دوامي بالـ STC ومأخذ اغلب وقتي !!
لكن الفكره رائعه وان شاء الله تستمر .. بخصوص الفقرات اكيد قريبا ً
مع اني للحين ما جاوبت عليها هههههههههه ..
سَـ10 // مساحة حُـرة بلاقِـيود
وهي( نقطة الختام ) الكلمـَة لك ؟
- جْ : ذكرتني بلقطة الختام اللي مع بتال
اشكرك اخوي ياسر هارت واشكر كل القائمين على الصوت ..
وللأمانه [ كلمة حق ] الصوت تطووور كثييير
عن السابق وأنت احد عوامل التطورر
و و و بس ..
