يارب أفهق هلاكي والمنايـا والـدروب بعيـد
مـادام المودمانـي للتـراب تقـوده دروبـه
ياغياث الظوامـي والثمـام وجرهـدي البيـد
أعذني من جهنم والحشر والمـوت وكروبـه
أنا مانيب لا مشـرك ولا فاسـق ولا عربيـد
أنا اللي لا عصى وأخطا تجهم وأقلقـه ثوبـه
أنا عبدك ولد عبدك وجدانـي هـلَ التوحيـد
خطايـاي أخجلتنـي يالله الغفـران والتوبـه
وأنا اللي يرتجف مثل إرتجاف الخايف الرعديد
إذا شاف القبور الضيقـات وحـس بذنوبـه
أنا الإنسان حمال النقايـض والكمـد والكيـد
غريق الطين واللذات مـن راسـه لعرقوبـه
أنا عبدك ياربي وأنت تفعل ماتشـاء وتريـد
سألتـك يالله بعفـو ٍ عظيـم وهيـن دروبـه