.
دعوني أبدأ معكم من أوّل خطوة في الفيس بوك :
- اسم المستخدم
الموقع يعتمد على الاسم ، لتسهّل البحث عنك ، عليك أن تضع اسمك الحقيقي .
( اختي لما قررت تسوي لها صفحة في الفيس ، قلت لها سجلي باسمك الحقيقي ، ماله داعي اسم مستعار !
ارتاعت ! .. قلت لها أنتِ اذا تبين تخفين من أنتِ ادخلي باسم ثاني ،
لكن تأكدي إني أنا إختك راح أفكّر إنك بتجيبين العِيد في صفحتك !!
فقالت لا بس بيعرفون اسمي ، وعائلتي ، تخيّلي بس !
عاد أنا مسكتها لكم تهزيء ، شنو هذا التفكير في أي سنة أنتِ مولودة .. جد حسيت إن اللي قدامي مو إختِ !
في الأخير توكّلت على ربي وسجلت باسمها .)
الشي الثاني .. الفِكر اللي تقدمه أنت كَـ شخص !
من أنت ؟ وليه داخل الفيس بوك ؟
معك سالفة والا جاي لأن العالم كلهم داخلين الفيس ؟
والا عشان تكوّن لك أكبر قاعدة أصدقاء ؟!
أو عندك رسالة / رأي ، هدف ،
فكرة تبي تطرحها وتشوف ردود الفعل عليها ، وممكن تنشر شي عنك أو لك،
يعني بصراحة الفيس بوك وسيلة نشر حلوة .
.
|