في مثل هذا اليوم هاجرت سيري
وما يحصل الهجران من دون هاجر
اللي على شانه توادعت طيري
ضجّر وانا مدري على ويش ضاجر
هيّه كذا الدنيا تعاند مصيري
أو انّي اللي للنواميس حاجر
في عالم القول المسمّى بخيري
غطّيت سمعي عن نفاق الحناجر
التافه اللي صار علمه مثيري
أحتاج في شانه مرائي وفاجر
أحب نفسي كل ماشفت غيري
تستحقر أنفسها على شان تاجر
بمشي على دربً يريّح ضميري
لو ان جسمي صار مرمى خناجر
ما عاد فالدنيا معاتب جديري
ما دام آخرتي بعمري .. مهاجر
****