,
سلامة رماحـك اللي جرحها غـالي
طعنتني غاضب لين أنكسر رمحك !
لو قلت لي / كان أجرح حالي بحالي
لا عاش قلبٍ جزع وارتاع من جرحك
"لاجلك" جروحي غدن اليوم عذالي
ذميِّت ظلمك وأنا من عادتي مدحك !
ياليت| لي ذنب وألقى علقمك حالي
وياليت بك عدل..وأرضى ف الهوى ذبحك
ياسيدي وإن نويت تزيـد غربالي
قلي وأنا أبعد ظلامي عن "سنا صبحك" !
لو ما يسرك أطو ل الشمس بجبـالي
مايكفي إن عشقت جبالك وسفحك
كل الهوى بالهـوى يزهى ويختالي
وأنا الذي في خسارة عزتي ربحـك
ياعل ماتزهرالأشجار في رمـالي
لو| أعتذر عن شموخي في رجا صفحك
سـلامة رماحك الي جرحها غالي
طعنتني غاضب / لين أنكسر رمحك . .
_ بدر بن عبدالمحسن