المذيع عبدالله العضيبي : في الأونه الأخيره ماأبغى أدخل في تفاصيل بالنسبه للهلال بس أبغى اتكلم كلاعبين
يعني صراحه اللحين في لجنة الإنضباط كل يوم مباراه
نقول بكره أجتمعوا بيقفو فلان وهذا قال للحكم كلمه وهذا اخذ كرت وهذا سوا تصرف
كلاعبين إيش الحديث اللي داير بينكم عن لجنة الإنضباط بصراحه ؟!
الكابتن ياسرالقحطاني : والله شوف أنا أتوقع ان لجنة الإنضباط هي جابت الكلام
لنفسها يعني مع إحترامي لمسؤلينها لأن أمر واضح أنت لما تتطلع لائحه تكون
أمامك الأمور أي خطأ يصير في المباراة ينطبق ع اللائحه فيطبق عليه النظام ,
لا ينطبق عليه اللائحه فهو خارج اللائحه فلا يتم عليه تنفيذ أي عقاب وتريح
راسك وترتاح يعني وتريحنا إحنا بعد , لان لما يكون الموضوع مفتوح وغير
مقيد فيكثر الحديث ويكثر الكلام سوا كان من اللاعيبه من الجمهور من رؤساء
الأنديه , فـ أنا أعتقد أنو الخلل موجود أنو إذا كان لائحه مطبقه فظهورها
للعلن وللملأ أنو النظام عندنا أو اللائحه هي ( أ , ب , ت , ث , ج , ح )
الى أخره , يصير الموضوع واضح حتى أنا اللآعب إذا اخطيت فالملعب
ارجع انا للائحه عندي خلفيه عن اللائحه أرجع لها أعرف هل أنا
أستحق العقوبه أو اصير أعرف انا عقوبتي من قبل لاتعلن حتى وهذا
الأمر بكل سهوله يعني , لكن أنا ممكن اني ألوم لجنة الإنضباط على هذا
الموضوع ونفس الوقت أعذرها من كثرة الضغط اللي يأتيها يعني من الاعلام
والجمهور وحتى من روؤساء الانديه فالضغط على لجنة الإنضباط من ناحية
إستغلال أخطاء اندية الاخرى في مناشدتها أنو انت عاقبتني وماعاقبت النادي
الاخر , ليش ماعاقبت النادي الأخر ؟ ومحاولت تجيير كلا ً لمصلحته يعني
فـ الله يعينهم .
المذيع عبدالله العضيبي : انت ياسر بالذات قرأت اللائحه حقتهم أو من خلال خبره
يعني ماسبق من قرارات ؟
الكابتن ياسرالقحطاني : لا والله انا من ناحية خبره صراحه اللي انا واجهته وعرفته
من خلال المواسم اللي انا لعبتها كل يوم تتغير لائحه يعني حتى لو قريت انا لائحه
موجوده ممكن انها تتغير بكره لانها قد تكون أشبه الى سريه يعني انا مدري هل
هم متخوفين من عدم قبول هذه اللائحه ؟ اذا كانوا متخوفين من عدم قبول
اللائحه ليش ماتتم مناقشتها اصلا مع الانديه يعني مندوبين الانديه ليش مايتم
أجتماعهم مع لجنة الانضباط وشرح لهم انو هذي هي المخالفات وسوف يعاقب
اي لاعب على الخطأ الفلاني أو النادي يعاقب على الخطأ الفلاني ويصير كل
الانديه على درايه , زي ماقلت لك لما اصير انا عارف اني اخطيت وأعرف
تبعات خطئي فأكيد احاول أني اتجآوز الشيء هذا أو اني ابعد عن أرتكآب
الخطأ ولكن إذا كان الموضوع مفتوح على غاربه فطبيعي
يقاطعه المذيع عبدالله العضيبي : اللجنه معمه اللائحه على الانديه المفترض ان
الانديه هي تبلغ لاعبيها مش أنا كـ لجنه أبلغ .
الكابتن ياسرالقحطاني : لا ممكن إذا كان هذا الكلام اللي حاصل ممكن فاللوم
ينتقل من لجنه على الانديه , أنا اتكلم لك كجمهور أنو حتى الجمهور من
حقه انه يعرف لأن الجمهور واجهته الإعلام والإعلام اذا ما إطلع على
هذه اللائحه فـ أكيد انه هو اللي حيثور الجمآهير ومن خلاله يصير
فيه التعصب وهذي المشاكل اللي إحنا نشكي منها .
المذيع عبدالله العضيبي : تكرار العقوبه على لاعب معين أشلون تصفها ياسر ؟!
الكابتن ياسرالقحطاني : مأشوف فيها شيء .
المذيع عبدالله العضيبي : يعني مثلاً اللاعب اليوم إنضباطي وقفّ فيما بعد نفس
اللاعب يوقف إنضباطي ؟!
الكابتن ياسرالقحطاني : هو أمر طبيعي أنه تتم معاقبته .
يقاطعه المذيع عبدالله العضيبي : بالنسبه للاعب أتكلم من زاوية اللاعب ؟!
الكابتن ياسرالقحطاني : من زاوية للاعب صراحه يمكن إذا تمت معاقبة اللاعب أكثر من
مره تكون درس لكن إذا كان اللاعب مايستفيد من الدرس هذا فالخلل موجود في
اللاعب نفسه وفي عقلية اللاعب هذا نفسه ولكن اللي أنا أشوفه انو لاعيبتنا
الحمدلله على قدر ووعي ممتاز يعني .
المذيع عبدالله العضيبي : تتابع كأس الامير فيصل ؟! الكابتن ياسرالقحطاني : أكيد .
المذيع عبدالله العضيبي : تشوف فيه مواهب , خلنا بالهلال تشوف فيه مواهب ؟!
الكابتن ياسرالقحطاني : الحمدلله رب العالمين عندنا مواهب لكن انا اشوف ان
الوضع العام بالنسبه للانديه ككل مو مجرد نادي الهلال يعني , الانديه كامله
فالمملكه وضع الفرق الألومبيه قد يكون فيها الاهتمام قليل جداً خصوصا ً
الفئه هذي ضاعت مابين درجة الشباب والفريق الأول فهو مابين يبكون
ع الماضي ليتنا في شباب النادي نلعب ويبكون على حظهم أنو إحنا مانلعب
فريق أول , والانديه للاسف يعني ماتعطي الاهتمام للفريق الأولمبي مثل
ماتعطي شباب النادي أو الفريق الأول , فزي ماقلت لك هو ضاع مابين
الدرجتين , نتمنى إن شاءالله يكون هناك إهتمام أكبر من جميع الأنديه
على فئاتها لأن الفريق الاولمبي هذا هو اللي يكون دعامه أساسيه
قبل فريق الشباب للفريق الاول فنتمنى ان شاءالله ان يزيد الاهتمام
عشان تزيد المواهب وتكون كرتنا السعوديه اقوى إن شاءالله .
المذيع عبدالله العضيبي : على جانب الهلال ايضا ً , لماذا موضوع الكبتنيه كثير يتردد
بينك وبين أسامه يطلع بالصحافه كثير , فيه شيء داخل النادي ؟!
الكابتن ياسرالقحطاني : هم للأسف يعني زي ماقلت لك عندنا اعلام أو بعض الاعلامين
مايعجبهم الجو الراكد والجو النظيف والجو الحلو فلازم يعكرون الأجواء فهم
يبحثون عن سبب , الهلال أوضاعه مستقره الهلال متصدر الدوري فلازم
يبحثون عن شيء يثيرونه ولكن احب أوجه لهم رساله أن يعني الموضوع هذا
قد يكون أبعد لهم من الخيال في محاولة تعكير أجواء المعسكر الهلالي وبالعكس
إحنا قلوبنا على بعض ويدنا وحده وأكبر دليل ان الهلال متصدر الدوري .
لمتابعة فيديو وصور اللقاء القناص [ اضغط هنا ]
تقبلوا تحيات فريق العمل
Yasser Media