قالو تحب الخيل ياعاشق الخيل
قلت المشاعر وصفها فوق قولي
شعري فخر لاقلت فيها التماثيل
فيها المعاني والمعاني تطولي
ذيك الأصايل والقصص وأثمن الهيل
لاندار فنجال بجنبك عجولي
تسري ولا تصبح على قطعة الميل
فيها جموح وللمسافه تجولي
ياعنك ماهي هايبه رهبة الليل
ولاهي تخاف من الشجر وألف زولي
سابوحة ماتـنـثـني لااقبل السيل
تشو ش مع صوت الطلق والطبولي
صهيلها يطرب لها القلب بالحيل
يصحى بها النايم ذولى وذولي
شوق المشاعر يا هلا بغرة الخيل
تحت من الجبهه بياض معزول
عواد الرغيـّان