اخر ماتوصلنا له هو اننا حطينا كراسي زرق لملعب الملز واختبينا وفرحنا فيهم على اساس اننا كنا متعذبين من الصبات الي كانت موجوده قبل وصار كل واحد شايل معه سجادته عشانه لمنه جلس مايتوصخ ثوبه ويرتاح بالجلسه شوي :D .. دورينا واحسن دوري ولاعبينا واحسن لاعبين ودوري اعلامي قوي ومنتخبنا شي كويس بعتبر مقارنة مع الجيران لكن لما تشوف ملاعبنا تقول عيال فقر .. ! انا مدري متى يبي يجي اليوم الي اطلع فيه من البيت وانا مبسوط ورايح احضر مباراة وانا عارف اني بنبسط هناك حتى لو فريقي منصك 5 / صفر .. بس اصير مرتاح وانا اشوف المباراة ومنشرح صدري .. ياخي اقلها احس اني حللت الـ 20 ريال الي مسكت طابور عشان ادفعها :139: .. صعب صعب اوصف الحاله الي نمر فيها وحنا بملاعبنا الي تقول مكان نروح عشان نتعذب فيه بس عشان نشوف فريقنا وهو يلعب كوره .. هذا احسن ملعب عندنا صح ؟ بعيد وخايس , مابوه زود عن الملز , يجيب التكه :139: .. خاصة اذا امتلا تكره نفسك .. غير انك تشوف الاعبين نقاط تعرف فريقك بلون طقمه ولا الوجه مافيه امل تشوفه :ac6: خلونا من الناحية الهندسيه للملعب وتصميمه وراحة المشجع .. تعال شف وش ناكل هناك قسم بالله تحس انك جوعان وودك تاكل من قوة الظغط النفسي .. واخر شي تطلع وتلقاء البنقله كل واحد ماسك له نقره ويبيعون مويه ام ربع الي تجي كاس ورق وينشق بظروسك من فوق .. ومويه ثانيه بس لونه اسود يقولون انه ببسي بس طعمه مب ببسي صراحه .. وكروسان فوشيه جبن على اخر ايامه يبي ينتهي :D .. زد على كذا الاسعار دبل !! :ac6: وكل الملعب يتضاربون عشانه مدري وش هالجوع الي يجي جميع ! :D ياخي مايمنع انك تجيب شركات لملعبك مثل ( كودو وهرفي ومكدو ) وتبيع لنا اكل ينبلع ويندفع فيه فلوس حلال .. ويصير عشانا هناك مره وحده وتصير كنك طالع منتزه تتمشى وتتعشى .. ! :D لا هلا ولا سهلا يالتسلبه ههههههههه نعنبو بليسك كل شي تغير الا انتي .. انا راضي اكل فطيرة جبن مخيسه وببسي مويه بس غيرو هالشاشه تكفون :139: .. حفظنا وش تبي تحتسي وقت الهدف تكتب GoooooL وتبداء تأشر وتروح وتجي :D .. ولمنه بقى شوي وينتهي الشوط تقول المخدرات مضر بالصحه خخخخخخخخخخخخخخ الـ HD وشاشات البلازما ماليه السوق وتجيب لك المباراة كامله والاعادة بصفاوه وشغل مرتب .. موب هالدباشه الي حاطينه ! شاشه تغض البصر عنه ولا ودك تشوفه اعوذ بالله .. ولا اعتقد ميزانة الاتحاد السعودي لكرة القدم ماتقدر توفره .. ياخي جيبو واحد ولو 42 بوصه بس اقلعو هالدبشه الي كبر على قل بركه ! , لو بهرج بتعب بسوء وعفن ملاعبنا ماراح اخلص ابد .. هذا وانا تكلمت عن الرياض وهي العاصمه :038: الي به ملعبين , كيف ملاعب المدن الثانيه الي تقول ملاعب استرحات ! طيب وين الحل .. ؟ هذا الحل : انهو مدينة الملك عبدالله الرياضيه .. انهو اكبر ملعب بالشرق الاوسط وفيه كل الخدمات الخرطي والهرج خخخخخخخخخ هذا هو المقلب الي الكل ينتظره من 6 سنوات وكل ماله يقولون نبي نشيل ونحط فيه لين ماصغر صغر وصغر وطلع حديقة وعند بابه حارس يقول عوايل :D الا صدق هم لقو له ارض ولا للحين يدورون هههههههههههههههه استغفر الله