مساء الخير والإحساس والطيبه
مساء الفل والنرجس وانواع الورد كله
صراحة انا أبي أتكلم عن مشكلة شاب واتوقع إنها مشكلة نص الشباب اليوم
هذا شاب نجح من الثانويه وبنسبة معقولة ,,طبعا استانس وفرح ومن قده بيدخل الجامعه
سجل في الجامعه وهو بيتقطع من الحماس 00ودخل تخصص حليو
الجامعه في مدينة بعيدة عن مدينته اللي هو ساكن فيها ,,, قال ياللله مو مشكلة المهم ادرس
يالله وتبدا المعاناة 00يسري من الليل (يعني قبل الفجر بشوي ) ويشوت بالسيارة عشان يقدر يصل قبل الحاضرة تبدأ 00والجيه الله يعين ما يجي بعد العصر هذا كله الطريق مو كله محاضرات
وعلى هالموال كل يوم وإذا جات الإمتحانات ينسى شي اسمه نوم <<<<<والله يعينه
وفي اخر سنة دخل دورة حاسب في مدينة ثانيه <<يعني يجي من الجامعه يقعد شوي ويالله بطق طريق ثاني
شاد حيله ومتحمس بالحيييييل 000المهم خلص الرجال من الدراسه واطلعت النتايج ونجح وبتقدير حليو
وتخرج وسو حفل تخرج واستانس وارتز فيه
وفرح بالشهادة اول يوم وثاني يوم وووووثالث يوم 000ويالله بدينا وقت الجد
ر وح قدم أوراقك في الإدارة ذي والوزارة ذي وفي كل مكان وفي كل مدينة 000واللي يقوله انتظر
واللي يقوله ماوحولك سالفه واللي يقوله معك خبرة ,,,, واللي واللي ............
وها الشاب دايخ من مكان لمكان بس من دون فايدة
وتلاقيه بس يناظر في الشهادة ومره يقول اشققها 00وإلا احرقها أحسن <<<والنفسيه ياخلاف
وياويل اللي يقرب منه
وصار له كم سنه على هالحال ,, وتبخرت كل الأمال المتعلقه على هالوظيفه
وآلالف الشباب والفتيات اللي مثل هالشاب
يفرحون بالشهادة يوم ويتمنون في باقي الأيام يحرقونها
إذا انت بمكان هالشاب وش بتسوي ؟
بتقعد تنتظر الفرج وتردد ياليل ما اطولك و إلا شلون
وإلا تدرو على اي وظيفة وخلاص ,,, ولوكان راتبها ضعيف وتخصص ماهو تخصصك << وبلا شهدة بلا هم
وتقول أهم شي أمشي أموري الحاليه 00وتنسى المستقبل وإلا شلون
رايكم يهمني