يعطيكم العافيه صراحه الموضوع جاء بوقته تمامآ الموقف اللي بحكي عنه قريب صار معي امس وانا بالجامعه طبعآ انا امس كنت تعبانه وماكان لي مود اداوم بس قلت لازم اداوم عشان صديقاتي المهم داومت وكان كل شي تمام عالساعه 9 ونص تقريبآ دخلت انا وصديقتي مبنى انا مااحبه بس دخلته عشانها اول مادخلته طاحت عيني بعين وحده كانت بيوم صديقتي هي تدري اني اعزها واتمنى لها الخير بس مادري ليش مصممه تكرهني فيها اكثر سوت حركه كرهتني بنفسي المهم انا طنشتها وسويت اني ماشفتها وكتمت هالشي بنفسي عبير شافتني كتمت ع قولتها وسألتني وش فيك؟؟ قلتلها ولا شي بس خلينا نطلع من المبنى وفعلآ طلعنا رجعت للمبنى اللي فيه محاضرتي وكنا انا وصديقاتي بالدور الاول والمحاضره كانت بالدور الثالث قلت لصديقاتي يالله اطلعوا معي قالت عبير : لآ اطلعي بلحالك كملتها شروق علي وقالت : اعتمدي ع نفسك وبلآش دلع هم كانوا يمزحون معي بس انا كانت قافله معي ومتضايقه حيل ومالي نفس لآي شي المهم طلعت بلحالي للمحاضره وانا عاجزه عن التفكير ماكان يتكلم الا دموعي ع خدي وهي تسيل دخلت المحاضره وانا مو قادره اوقف دموعي لما خلصت المحاضره طلعت ومسحت دموعي ولبست النظارات ونزلت كانوا صديقاتي حاسين علي اني متضايقه ومو عارفين من وشو لاني بالعاده اضحك واسولف ولايهمني شي فأستغربوا مني هالضيقه الغريبه المهم رحت وجلست تحت بالمبنى لحالي جوني وسألتني شروق قلبي فيك شي؟؟ رديت بزعل:لآ قالت طيب تعالي اجلسي بجنبي ومسكت يدي تبيني اجلس بجنبها وهي تسألني فيك شي؟؟ انا لآ شعوريآ فكيت يدها من يدي وقلت مافيني شي بس اتركيني وقمت وتركتهم>مادري وشلون طاوعني قلبي طلعت بالدور فوق وجلست هم مستغربين ومو فاهمين وشو اللي مزعلني منهم ؟؟؟ شافوا وحده من البنات تمون علي قالولها كل السالفه وجت وكلمتني وقالتلي كلام خلآني ابكي من زود مافيني ونادتهم وجو جلسوا معي وتركتنا مع بعض وراحت وكنا كلنا ساكتين هم مو عارفين وش يقولون؟؟ كل وحده منهم ماسكه دمعتها ولا انا قدرت اقول شي شفت صديقتي ساره وحست فيني شي وخذتني من عندهم ودخلنا بقاعه وصارت تهدي فيني وتسليني بالسوالف الين ماخلتني اضحك حسيت اني رميت كل همومي وارتحت لما طلعنا من القاعه شفت شروق وعبير جالسين قدام باب القاعه بصراحه كسروا خاطري جيتهم وحضنتهم وتصالحنا وخذناها مزح وسوالف ونسينا كل اللي صار اللي بغيت اقوله ان الموقف اثر فيني بالحيل صحيح انه بسيط بس علمني اشياء كثير علمني ان اللي يشتريك لاتفكر بيوم انك تبيعه وان اللي مايعدك شي عده ولآ شي فديتكم ياصديقاتي الله لآيحرمني منكم ويصبركم ع مزاجيتي اما اللي ببالي اقولها ربي يسامحك انتي عارفه اني مابي منك شي لآ خير ولآ شر ليش مصممه تكرهيني فيك وتحسسيني كل ماشفتك اني غلطت يوم اخترتك صديقه ع كثر ماكنتي بيوم غاليه ع كثر انك الحين ما تسوين بعيني ولآشي اسمحيلي اقولك ياللي كنت بيوم صديقتي اكرهك حيل ولو يرجع فيني الزمن لورا باختار اسوي شي واحد اني امحي ذكراك من قلبي واقول اني نسيتك عوااااافي ياغاليات لكم ودي واحترامي