بسم الله الرحمن الرحيم السلام عليكم و رحمة الله و بركاته كيف الحال؟عساكم بخير حياكم الله منورين و كل عام و إنتو بخير و ينعاد علينا و عليكم بالصحة و العافية طبعا اليوم جايب لكم قصيدة جديدة بعنوان:- !.. غلطتي ..! أتمنى إنها تعجبكم و تنال على رضاكم ,’’, غلطتي في حبك إني تسرعت و غلطتك تعشق لك إنسان ثاني عشمتني حتى قدرت و تمكنت و سرقتني من دنيتي يا أناني خليت خلق الله عشانك و جنبت عن درب منهو بالمحبة بغاني جيتك بصدق إحساس و إنته تصعنت و أنا على الله سقت لك من حناني لقيت في عيني غرام و تشبعت و لقيت في عينك ضياع الأماني و إحتجت لك مرات لكن تعذرت و تحتاجني و أجيك قبل الثواني وقصرت في حقي و أنا ما تأخرت وكم بعت من شانك غلا من شراني أدري خطاي إني على الجرح كابرت و أدري خطاك إنك تصاغرت شاني و أدري إنصحوني ربعي و ماتراجعت خليتهم لعيونك و جيت عاني أدري على شوفك أنا حيل أدمنت و أدري على صوتك كرهت الأغاني و أدري تغيرتي و أنا ماتغيرت كذبك رفعك و صدقك اللي رماني أدري و أدري و البلا ماتعلمت كملت في درب الغرام و نهاني تدري وش اللي يذبحك و إنت ماخنت إنك تحب إنسان و يحب ثاني حسبي عليك الله من وين مارحت يبليك ربي في غرام(ن) بلاني ’,,’ أتمنى إن القصيدة المتواضعة نالت على إعجابكم تحياتي لكم أخوكم:- ABO FAISAL 20 ( محمد )