السلام عليكم و رحمة الله وبركاته فيس لابس احرام وماسك يد وحده لابسه طرحه منيخل وقميص اخضر اغلب الحجاج بيروحون بكرا - الله يستر عليهم ويردهم سالمين مغفوراً ذنبهم مشكوراً سعيهم - نبيكم تلقطون لنا صور الحجاج قبل يروحون عفشهم او اي شي تقدرون تفلشونه فلشوه < يعني فلاش وصوهم اهم شي المعقم كل دقيقتين يعقمون يديهم ( دكتور غسان ) سمعت الدكتور يشدد على [ العسل الطبيعي و7 حبات تمر و7 حبة البركه ] تاخذها يوميا اول ماتصحى ع فكة الريق تعطيك مناعه ونشاط -باذن الله- مع موية زمزم يكفينا انها وصفه من الرسول - صلى الله عليه وسلم - قولوهم بعد الله الله بالرجم خلوهم يرجمون الشيطان لين يتعوذ هو منهم ولا عاد يعود لهم ابد واهم اهم شي البيك يحلفون اني ابي احج عشانه عاد نشوف بعض الناس لاحجو ورجعو الا هم ملتزمين - ماشاء الله - وبعضهم ألتزامه سحابة صيف من تدخل السنه الجديده عادت حليمه لعادتها القديمه * أعرف واحد رجع من السفر ونظف سيارته من الكاستات وشقق جوازه لانه كان مدمن سفر برا يقول عشان ماتسول لي نفسي الاماره بالسوء اني اسافر ومايمر الا شهر وهو زامن شنطته : على وين ياحاج؟ قال : باخذ عمره : ماشاء الله عمره الله يثبتك عقب عمرته بيومين يدق ابو فيصل : هلا تخيل ياابو خالد من اتقهوى معه فى الهايد بارك مع ولد اخوك : ماشاااااااء الله اجل مكه مابينها وبين باريس شي قال من وراه على الجوال : ابوطبيع مايخلي طبعه الظاهر ان الحصاة ماكانت تسبيره ولا انى ما كودت جبهة الشيطان الزبده الشايب لايدري ماله داعي مشقق جوازي ومتحمس وتاليها فيزا * طبعا الحج هالأيام يختلف عن قبل - ولله الحمد - ماعاد فيه مشقه كل شي مسهل لنا - الله يجزاهم خير - اول يروح الواحد قبل عرفه بشهر ع صالون جمس ومعه كل اهل حارتهم وعزبه وعفش وانواع القروشه اليوم خذ شنطتك فيها لبسين واذ ماودك امر الله من سعه ماتمشي الا يوم ثامن ولا سابع وثالث العيد وانت راجع - باذن الله - في حمله محفول مكفول كلش يوفرونه لك حتى الحصى ماعاد تروح مزدلفه تجمعه يجبونه لك في قماش جاهز الاضحيه هم يذبحونها لك وكل شي الله يعين على الايرانين ياعلي ياعلي ( فيس يدق صدره ) ولا مصري يدق على اهله ايوااا عاوزين حاقه انا فى الحرم أءء وول لااحمد وفاطمه وزينات عاويزن ايـ ه دعوات ايوا ايوا وايــ ه كمان وجنوب افريقيا اللى الواحد ماتشوف الا انت بين اصابعه عاد ذولى موريني النون ومايعلمون * يمممماه مستحيل انسى مره اعتمرت وانا احاول المس الحجر الاسود لانه موب ذاك الزحمه كان وساع بس يوم قربت طلعت زحمه الا افريقي طووووويل طول مادريت عنه غازن خشته وهو لونه ولون الحجر الاسود واحد الله يشرف الحجر ويوم احط يدي مع الزحمه اثري لمسته مالمست الحجر مدري عاد هي عيونه هو خشمه الا يلتفت علي مااشوف الا حمار عيونه ولسانه انا ارتعت مرررره حنقتني العبره قلت بسمممم الله واسمعه يرطن مافهمت الا انه يقول ليش بسم الله والله ياهو خض قلبي لين قمت ارجف * بحط لكم كم صوره لاشياء كنا اول نحسب العمره والحج ماتجوز بدونها الزنوبه الكل لازم زنوبه وخضرا والمضطر ياخذ له زرقا طيب ليه ونجمعها في كيس ونوزيه لا يسرق ذي عاد احسها شي صار مفقود لله درها من زنوبه ابعرف من حاط قفل عليها صندل ساندريلا مثلا ! ونحتري اللى رايح مكه متى يجي يجب لنا هدايا عدسة مكه وقريض ومساويك اول له طعم الحين سممماجه شي مغلف تكلف وخنبقه مافيها ملح هذي العدسه اذكر منها الوان نتهاوش على الاحمر زمزم اول تشوف فيه العجب العجاب ناس تتروش ناس اذ كبو مويه ع وجهيهم تسمع وحده تقول كذا ااهئئئئئئئئ < مدري وشو ذا الصوت بس بزعمهم انه أثر فيهم + نبي صوركم انتو الموضوع من دونكم مثل الحاج من دون أحرام < تكفيييين ابعدي عن التشبيه * سؤال للبنات اولاً / ودك تحجين مع اهلك وانا من رايي انه ازين بكثيررر ولا رجلك اللي لا حجيتي معه قلتي ليتني حاجه قبله كان دعيت الله يرزقني برجال ابرك منه وازين واتجر واصلح < اجل ذا وش بقى فيه يوم انه موافقه الا ع طاري الزين ليه كل ذا الزيون اللى نشوفهم ويمرون علينا لا جا الصدز والعرس صارو شيون ؟! سؤال أخر للشباب / هل تفضل البنت التى سبق لها الحج يعني تشترط حلوه و و و حاجه عشان تفتك من غثاها وزنتها حججني حججني ولا ودك تحس انك مهم وان ذا الضعيفه اللى في ذمتك ماتجوز حجتها بدونك وتقوم عاد تمن عليها ان ماسويتي كذا منيب محججتس ترا