نوف موضوعك خطييير امم بالنسبه لنا ماوصلنا مواصيلكم ننسى اوادم لان امي الله يحفظها من نركب بالسياره تقعد تعد اسماءنا والحاضر يقول نعم ثمن تقول يالله توكلنا على الله كاملين مثل مره اخوي نسى مفتاح سيارته على باب السياره فجأه دق الجرس رجال قال تراكم ناسين المفتاح ع السياره اخوي تقلب وجهه قال مال الحلال مايضيع من ناحية النسيان ننسى بشكل مو طبيعي والا سالفتك سالفه الجوال انا صارت معي بس نظاره اصارخ واقول النظاره ضاعت بذيك الحسبه حسافتها امي تقول تراهي معلقه فوق راسك حتى مره امي جات بتفر القناة وبيدها الريموت قالت وين الريموت حسبي الله على ابليسكم ماتخلون شي مكانه قلت يمه تراه بيدك ومره امي بتروح تعزي ناس راحت لهم نست وش السالفه وليه هي جاتهم قالت كل عام وانتو بخير لدرجه انها تفكر تروح تتعالج يعني وصلنا لهالدرجه ووبس