مو ضوع اجتماعي ثقافي .. تعليمي تربوي هياطي عاد الزبده حنا ، جابين لكم سواليف .. اللي وده يعلق يعلق ! واللي ياخذ القصد بـ سوء نيـه بتلحقه الجنيه لين باب بيتهم < رعب هو مب وناسه ودنا نتبادل اطراف الحتسي معكم وتنبسطون بحشنا و نتزيدونا حش ... واللي وديه يبسط ابد البساط احمدي مثل ما يقولون ! حيـآكم ، الحين نستلم هـ الحريم تحذير ! هذهـ الفقرهـ غير خآضعه للرقآبه .. قد يكون هنآك مآدهـ غير منآسبه للأطفآل .. فلذلك أبقوآ بعيدا ً حتى يتم تحريرهآ بسلآم .. تقشيم فصفص شآهي نعنآع و كرآث أختصآر لكثير من الكلآم لوصف جلسآت النسآء مجلسنآ فيه ثلآث حريم : حصه -أم فآيز- نورهـ -أم مشآري- مزنه -أم شديد ّ - حصه : شفتو فلآنه بنت الفلان بالعيد لآبستن خلق مآتجي قيمتوهـ ريآلين لآ وبعد شآريتوه من محل تقليد مآركآت– ختمت سآلفته بصوت شفط الشآهي ششششت أم فآيز أختصآر لكلمة عديمة ذوق ! لبسه هي وبنآته من بسطه بآخر حيهم ! نورهـ: شفتو أم مسآعد بزوآج بنته أستغفرالله لآ سلمت علينآ ولآ رقصت معنآ يوم غنينآ به هي وبنته ! أستغفرالله مدري وش جآيه من ّ (تسوي خبزه بكرآث ) مع العلم أن أم مشآري كسحت أم مسآعد ثلآث مرآت مآسلمت عليه ويوم دقت عليه تبي تحمد له بالسلآمه يوم تميرضت هكآ الأيآم سكرت الخط بوجهه ! وطبعا ً كمآ هو وآضح أن أم مسآعد أبد ّ أبد ّ مآجآهـ شي من نوره ! مزنه: إلآ مآقلتلكن أبونآ وش شرآ سيآرهـ ؟ شرآ كآمري آخر موديل من الوكآله وعليه ضمآن 20 سنه همآهـ غآليه ! و دفع الفلوس كآش ريآل ينطح ريآل والله لآ هي أقسآط ولآشي .. ودقيت عليه وهو يكمل إجرآءآت الشرآء وقلتلوه دآمك بالمعرض الله لآ يهينك أشتر لنآ سييرهـ(تصغير سيآره ) على طريقك ملينآ من الهمر وقآل أبد مآطلبتي شينوهو يجيبلنآ مثل سيآرتوهـ لكنه احدث موديل 2015 ! أم شديد ّ أمرأهـ فقآشه من الطرآز الأول ! أبوهم على قولته دآج هآج مآيملك من وسخ الدنيآ إلآ ثيآبوه .. وبيتهم كلوهـ مآفيه إلآ سيآرتين وحده ددّسن غمآرتين للولد والثآنيه كسره حقت أبوهم !! النمآذج الثلآث اللي تلحظوا وكتبتهم هنآ من أصل ألف صنف اللي مآدري وش يبي في المجتمع النسوي ! كذب وغيبه ونميمه وتفآخر بالأنسآب والألقآب <- يآعيني يآعيني هذي مجآلسنآ في الغآلب ! بدآل مآنطلع من هالمجآلس بخير و منفعه قمنآ نطلع بأعدآد مهوله من الذنوب و الخطآيآ ! أستغفر الله أحيآنا ً أحس أني مآعندي ولآحسنه بحكم أني متمرسه في مجآل الحش والذب وأكل لحوم البشر ! والله أن ّ كل معلمآتي أنآ اللي مطلعه معآييرهن اللي لوقتنآ هذآ تتدآول الدب الدآشر - قطرة مآء - نقآر الخشب - بزه - الجربآء - الرقآصه - عندنآ .... إلخ أحس أن معلمآتي بيدخلن الفردوس الأعلى بسبتي ! يالله يآرب أنك تتجآوز عن ّ يعني شوفوآ كم لي طآلعه من المتوسط وكم لي عن الثآنوي ! وللحين محشآتي تتدآول بين طآلبآته ! يعني كسبت ذنبي وذنوب خلق الله أخ خ خ يآزين من يجيب هالجحلط ويربيهن ! لأ وأنآ مآيعل قلبي إلآ اللي تجي وتقول أنآ بنت فلآن وأنآ أخت علآن!! وفلآن وعلآن مآلهم لآمنصب ولآ شآن والصآلحين من ذرية آدم مآفي بقآموسهم هالأسمآء يعني يسون صجه وإزعآج ويقطعن أحبآلهن الصوتيه التي هي أعز مآيملكن .. على هيآط ! والله مآيمديه تقول تمسن على خير يالربآيع إلآ الحريم طآيحآت سب ونتف به وبأخوهـ وأبوه يعني هيآط وكسب حسنآت ! شي جيد والله وإلآ اللي تجي تلآقط عيونه وتجمع السوآلف ومآيمديهآ تطلع إلآ تدق على أخته -بخور السوق– وتخر كل اللي شآفتوه وسمعتوه ويجي هنآ دور الأخت وتتولى مهمة نقل الأخبآر والمشآهدآت ! يعني شغلتهن من العزيمه إلى الأذآني للآسف هذآ النوع لآ تحصل على مرآده دآئما ً لأن بوجوده يتحآشن الحريم قول سوآلفهن اللي مآيبنه تنتشر ! فتتلقى وقت توخي حذر الحريم منه أشد الصدمآت ! وتعيش محبطه طيلت حيآتهآ لأنهآ فقدت لقمة عيشهآ الوحيدهـ هذآ إذآ مآ عينت له جوآسيس يعني !! لكن السؤآل اللي يطرح نفسه بخصوص مثل هالأصنآف ! سوآلف النآس وش الممتع فيهآ ؟!هل تطول العمر مثلا ً ؟! أوتشبع شئ في نفسه ؟ وإلآ القصد منه الشمآته ؟! وإلآ تبي تصير شي بالمجتمع ؟! كل الأسأله لهآ إجآبه وآحده وهي الله أعلم مجتمعنآ قد مآفيه نذآله و قلة حيآ إلآ إنآ نضل أبرئ من الرقآله بكثير الله مير يخلينآ ذخر اما اذا جينـا عند الرجال فحدث و لا حرج والله صارت اهتمامات الرجال تشبه الحريم يعني مدري كيف كنهم صاروا مثلنا حتى مجالس الرجال ع اساس تطوروا وكلن يبدي رائيه ، مير محد احد يسمع كلمة الثانيه .. كلن شوره براسه ماهمه كبير ولا صغير ع اساس اختلاف الراي و مسوي عنده راي الله يرحم والديك اقول اسمع كلام اللي اكبر منك و لا يكثر خخ وغيرها من اللي تغير بـ رجال الحين ! لبسهم اشكالهم ، قصة شعورهم تقل مدري وشو حاط فوق راسه حتى وصل التطور لـ سوالفهم !! يعني بدال ما يسولف لك عن اقتصاد او سياسه ..او مباراه طايح لي الماركه الفلانيه ، والاسواره "الورديه" الفلانيه والمطرب الاجنبي الفلاني ياانه خقق <خقق في عينك ترا شسمه امزح هاه لاحد يزعل بس من جد عيالنا يمشون بالاسواق تقل مب عيالنا .. انقليز !! لا مشيتهم و لا حركاتهم و مسوي شله مثل مدري وشو ترفقوا بـ ارواحكم يا عمري محد بيخق عليكم وين رجولة اول ؟! تحس الرجال ثقيل حتى لو صار له اهتمام بكوره .. او مغني فلاني .. بس يجيك يحب ابو نوره ، أو خالد عبدالرحمن يسمع اغاني ذي اللي بالعود واذا تكلم غيره بالمجلس سمع له احترم رائيه ! مب ينشب إلا ويغير رأي الثاني يقاله .. عبر عن رايك ، لا وش قصته تحسب عنده شى مهم وحاله يطلع بالاخير مطربه عاجبته والثاني يشوفها عاديه الله يرحم بس ! عموماً حنا نتكلم عن مجموعه معينه ف المجتمع ولا نجمع وزيدونا من هذا الوشسمه ما ودنا نقلب المواجع حياكم < ماعرفت تختم - ما خلصنـا هرج !