جميل جداً ان جمهور مانشستر أستوعب الدرس جيداً 
, مساكين
ثقتهم بالفريق اهتزت خصوصاً إذا لعب خارج ملعبه 
, يعني
غريبة اليوم ما شفنا أي هياط من جمهور مانشستر العزيز قبل
المباراة , ما ينلامون والله .
الشيء اللي يقهر صدق انه رغم الأداء السيء لهم يأخذون نقطة 
وقدام بولتون نفس الحكاية , حرام والله سندرلاند يستاهلون ,
بالفعل هذا الفريق هو صائد الكبار , أجزم لو جيان لعب من البداية
كان سجل عليهم لكن بروس حب يسيطر على خط الوسط .
نتيجة مانشستر في لقاء اليوم مهمة جداً جداً لنا , الضغوط كذا
خفت على فريقنا لانه لو فاز مانشستر كان تعادل معانا في النقاط
لكن كويس انهم تعادلوا منها مثل ما قلت يخف الضغط علينا ومنها
نتيجة تحمس اللاعبين لزيادة الفجوة وضرب عصفورين بحجر من خلال
إسقاط المطارد الثاني بعد المانيو وهو الجنرز , أهم شيء ان النتيجة
ما تسبب تراخي للاعبين وأثق كثيراً بالإعداد النفسي للفريق .
يا عالم دورينا مجنون 
, الحين برمينجهام له سنة كاملة ما خسر
على ملعبه , واليوم لعب قدام إيفرتون اللي ما حقق ولا فوز هذا
الموسم , والنتيجة الصاعقة صراحة قياساً على أداءت الفريقين
فوز إيفرتون ,!
توهم يدخلون في جو الدوري على فكرة , يعني الحين انتظروا
المستويات الجميلة من التوفيز .
الخبل فارت يواصل الإبداع مع السبيرز ويقلب الطاولة على الفيلانز
حسافة شفت جزئيات من المباراة بسبب مباراة مانشستر 
, لكن
اهم نقطة بالنسبة لي هي خسارة الفيلانز لانهم هم خصمنا القادم
في الدوري بعد مباراة الغد .
أحسه راح ينتحر من التعادلات هذه 
, على فكرة فولهام يشاطر
مانشستر يونايتد في إنجاز ( عدم الخسارة ) لحد الآن .