يا هلا والله بالشبابَ من العايدي والفايزين ، قبل الزحمه . . بالنسبه ل مُقاضي العيد ، أنا من النوع اللي يحب يخلصها من بدريَ موب زي بعض الناس ما يقضيها الا ليلة العيد . . المهم ، ذاك اليوم رحت المجمع مع الشباب نبي نقضي اغراض العيد والسكرتي اللي بالباب عيا يدخلنا ، حاولنا معه يمين يسار مافيه شويَ جا واحد من الشباب قال معليكم ، انا بخليه يدخلنا غصب ؟ قلنـا : وش بتسويَ ؟ قام ودق على واحد مدري منهو وعطاه السكرتي عشان يكلمه ، ما امداه يكلم .. الا السكرتي دخلنا قلنا لـ فلاح ؟ منهو اللي دقيت عليه اللي خلا السكرتي يدخلنا ، قال : مالكم شغل . . ما علينا دخلنا السوق .. وانا كنت حاط ببالي أشتري كل شي يخص الشاب يوم العيد . . شريت : [ شمـاغ ، وعقال ، وكبك ، وعطور ، ونعال - وانتو بكرامه ] .. ما خليت شي المشكله تصويري شين .. وماحبه بعد بس دورت على نفس الاشياء اللي شريتها من السوق في قوقل الله يخليه ، وطلعها لي نبدأ بها حبه حبه . . بالنسبه للشماغ ، أنا من اللي يختارون [ شماغ البسام ] صراحه .. افضل شماغ من ناحيه الجوده والشكل وكل شي بالعاده اشتري أحمر ، بس المره ذي شدني البرتقالي .. وقلت اجربه . . بالنسبه للكبك .. صراحه في انواع كثيره حليوه ، واحترت وش اختار سالت الشباب وش رايكم .. واقترحو علي هذا الكبك .. ماركته Colibri . . وش بعد ؟؟ إيه قلنا الحين نبي نشتري عطور .. دورنا في المحلات لين وصلنـا ..الشركه العربيه للعود بصراحه عطورهم بطله ، وتسوا تدفع قيمتها شريت لي عطرين من عندهم ، رغم ان اسعارهم عاليه شوي بالنسبة للعطر الأول .. اللي هو كلمات ، لا يفوتكم يا عيال والله رهيب . . بالنسبه للعطر الثاني .. أسمه woody .. اللي ما شرا عطر للحين انصحه يشتريه .. بصراحه عطر رايق رهيب بمعنى الكلمه . . . بس هذا اللي قضيته .. ولله الحمد في نفس اليوم لقيت اللي ابيه بالعاده اقعد احوس 3 ايام لين ما القى الاغراض اللي تعجبني . . يوم رجعت البيت .. جاني اخوي الله يطول بعمره واعطاني هديه عطر اسمه [ ميلون ] بصراحه عطر خرافي .. بطل بمعنى الكلمه . الحين ابتلشت .. معي 3 عطور وما ادري وش استخدم هذي صورة العطر ميلون للي يبي يشوفه : . . وبس سلامتكم .. خلاص ما عندي شي نصيحه يا شباب .. لا تفوتكم العطور الثلاثه ذي .. وربي بطله .. .. بانتظار تعليقاتكم < أحس انه بينسحب عليه