المهمة الثالثة تمت بنجاح والله الحمد والمنة 
, مباراة على الورق كانت سهلة
نظراً لظروف الفريقين والكل كان يتوقع ايضاً سداسية ثالثة وفقاً لمباراة الفريقين
العام الماضي في الستامفورد بريدج لكن نسينا ان الموسم الماضي سورنسون
طلع مصاب في الشوط الاول 
؟!
ثلاث إنتصارات في البداية وكلين شيت شيء حلو والله 
, شيء كامل والكامل الله ,
لكن فعلاً مافيه فريق يزاحمنا لا صدارة ولا هدافين ولا اي شيء !
وحلو أيضاً تغير الجو , يعني مو حلوة كل اسبوع 6 6 6 
,
ولو يبون ستة كان ما شفنا اشلي يضيع ولا كالو قدام الباب ولا ستوري !
اجمل مافي الامر ان الاسبوع الدولي وتصفيات امم اوروبا الاسبوع القادم ,
هذا شيء بيريح لاعبينا خصوصاً المصابين منهم مثل تيري اللي كمل المباراة
مصاب ولامبارد بعد , ودروجبا يريح ويستيعد كامل عافيته 
, الاسبوع
الكريه صار مو كريه 
.
نجم المباراة بدون ادنى شك , شغل رائع يسويه الفرنسي بداية هذا الموسم
مع البلوز , يكفي انه يفك شفرات الخصوم دائماً وبعدها تبدأ حفلة الأهداف 
!
واصل .
يا خبل وش قاعد تسوي انت ؟! تطور بشكل كبيييير النيجيري ,
يستاهل الإشادة بالتأكيد وهو بالعمر هذا , بس لو يصير اسرع شوي
بيكون افصل لاعب في مركزه 
.
أيضاً أشلي يستاهل الإشادة , عاد بقوة بداية هذا الموسم 
,
دايم يعطي إضافة هجومية ويخلق ويصنع فرص , غير كذا لازم هدف
يكون من جهته في كل مباراة .
فرانكي 
مباراة للزبالة يا لامبارد , اصلاً من بعد ما ضيع ضربة الجزاء ان شطبت عليه
خلاص لامبارد طلع من جو مباراة امس من يوم اضاع البلنتي وفوق هذا مصاب ؟!
لكن سالفة ضربات الجزاء هذه يبي له بلنتي يسجله ويعيد الثقة له , مو معقول
آخر ثلاث ضربات للفرانك ضيعها , قدام البومبي في الكأس , قدام اليابان ودية , وامس !
خ خ خ 
الكابتينو امس مروق على الأخير , لو ما يجيء منه ألا الاسيست ,
وإن شاء الله عاد إصابته خفيفة , آهـ على الروح اللي يلعب فيها , يكمل
وهو مصاب , كبير يا جون .
يالله كحلنا عيوننا بشوفته يركض بالستامفورد , والقادم احلى
-
مبروك لـكافة مشجعي البلوز ,
موعدنا يتجدد الاسبوع بعد القادم .