..
آسف للجميع , ولكن قليل من الكم ومثله من الكيف في نظر صاحبه على الاقل ..
لايطرح الا لذائقة هؤلاء ,
..
من جمعك الحظ به والليل يدري
ماشكى سترك ولا قسوة يديك
لاتعرضت الهوا بعطيك ظهري
تنهرينه كثر ماثقّل عليك
ولا انا ياللي : عجزت آقول عذري
لو عشان آقول عذري , كيف اجيك؟
شحّت اللحظات واستكفيت بدري
واللسان بذمة المخطي ركيك
اجمع اللي ينجمع بحدود صبري
واسألك تدرين وش معنى , ابيك؟!
جاوبت عنّك بديهيات صغري
ياغلام : اعقل وكل مما يليك
وسلامة قلوبكم