بسم الله الرحمن الرحيم
قصيدة من بداياتي اتمنى ان تنال رضاكم ..
’
الناس تفرح فرحة العيد بجنون
وانا جنون الفرح في يوم لقياك
لاجيتني في ليلةٍ تنور الكون
نورك تشعّه من ثنايا محياك
وان جيتني في يوم تشرق يامزيون
سبحان من صور وكمل مزاياك
لاجيتني مقبل كما غيمة مزون
تسقيني بمايك واشرّبك سقياك
واذا حكيت اضيع في حكي مفتون
ضايع على كلمة أحبك في دنياك
إن قلت أحبك ماتوفّي ولالون
من لون حبك في خيالي وذكراك
ياحبي الأول ترّفق بمطعون
طعنات يدك يوم قفّيت بخطاك
وافهم قصيدي لك معنى ومضمون
شوقٍ كسبته لاتخليّه ينساك