" لاَ جديد
يا ناشد أَحوالي .. ترى الحال هوّ
ولا جديد !
لاشعُور .. ولا حضور
آنا البعيد .. ولا هو اللي بعِيدْ
يا صبر وانت اللي معي
ابسألك :
* هَلّ مِنْ مَزِيدْ ؟
ما عدت اظنّ ..
احس قلبه من حديدْ !
..
لاَ جديدْ ,
في خاطري من لوعة الفرقى أنين
وفي ناظري تلويحة فراق [اليَدِينْ ]
حاولت ارحل عنه لكن !
قلتْ : ارحل بِذاتي لـ (( وِيَنْ )) ؟
كل المسافة لي وطن ’
وكل اتجاهاتي | حَنِينْ ..
يا وجهة اِحساس الأمل
هذي حياتي ضِمنها /
يا تاخذين ..
أوّ
ـــ تاخذين !!
..
لاَ جديد ,
العَامْ من كثر المفيدْ
بطّلتْ افكر واستفيد !
ما هو قنوط .. ولا توقّع اخطبوط
لكن في بعض الحكي .. " ما ينحكى"
وان طاب قلبك .. أو شِكَى
ما عاد يفيدكْ ..
لا كلام .. ولا بُكاء !
ما ودّي اكتب لك واعيدْ
واليوم يَنْقُصْ .. ما يزيدْ ,
بِ المختصر .. أَنا اعتذر
والحال هُو :
ـــــ | ولاَ جَدِيدْ !