. . خوذوا هالحلا .. بس صراحه ماعرف اسمه , مممم سموه حلا روح شرايكم .؟ المقادير :/ أ/ × كاس زيت .. × كاسين جزر مبشور .. × نص كاس سكّر .. × ملعقه كبيره باكنج بورد .. × شووي فانيلا .. × ثلاث بيضات .. ب/ × كاسين حليب بودره .. ج/ × 4 حبات جالكسي سآده .. × علبة قشطه .. الطريقه :/ تخلط مقادير ( أ ) بالخلاط .. نحمس الحليب على النار لحد ما يكون لونه أشقر .. نحط الحليب المحموس بزبديه ونضيف له الخلطه ونعجنه لحد ما يكون متماسك .. نحطها بالصينيه عشان ندخلها الفرن لحد ما تستوي وتتماسك اكثر .. نحط الجالكسي مع القشطه في حمام مائي لحد ما يموع الشوكليت .. نحط الشوكليت فوق الصينيه ( بعد مادخلت الفرن واستوت ) .. بعدين ندخلها الثلاجه .. اذا جمدت نقطعها صغار ونجملها بالشوكه .. للاسف انا خرب حلاي .. طلعته وهو توه مابعد تماسك وثلج الشوكليت .. بس يابنات أتوقع ينحط بالفريزر أفضل , لان انا ماجمد واظطريت اطلعه لاننا كنا بنروح لخالي واانا سويته متأخر ولا أمداني اظبطه .. أكره أسوي حلاااا هذا شكله بس ماكان جامد حيل .. طعمه حلو مع إني سويته إلا اني للحين مادري اللي تحت هو كيك ولا بسبوسه ولا مدري شنو .. بس الشي اللي تحت مره مره طعمه فاناستيك .. بالعافيه .. . .