السلام عليكم ورحمه الله وبركاته ,,,
اليوم جايبه لكم مقطع عن شي بسيط عن معاناه اطفال دار الايتام ,,,
يعني هم منين يحصلونه من اهلهم الي رموهم ,,!!
ولا من القدر الي قسى عليهم,,!!
ولا من الناس الي يتحكمون فيهم بلا رحمه,,!!
هذولي العيال وعند البنات ماخفي اعظم ماتتكلم كلمه الا والاداريه قعدت تعيرك بانك لقيط
ليش يعني هم الي قالو خلونا لقطاء
شي يدمي له القلب
ومع هذا الناس تعاملهم كانهم هم اصحاب الجريمه مو امهم وابوهم 
لارعايه ولا وعي اجتماعي ولا حنان ولا وظايف ولا حتى يقدرون يتزوجون حالهم حال العيال الباقين ,,!!
هنا في مجتمعنا ها الفئه مظطهده لدرجه حتى الاقويل تنقال فيهم مثل
((الله يكفيك عيال الحرام)),,((العشره ماتهون الا على عيال الحرام))
ولو شفنا المجتمعات الغربيه تلقى ان الشخص اللقيط عندهم شي عادي ولا هو شي مستغرب طبعا هذا طبيعي لاانفتاحهم ,,!!
بس الشي الحلو انهم ماخلو للقيط عوائق تخليه تعيق عليه حياته الطبعيه
يعني يطلعون له اثبات باسمه هو فقط بدون اصل ولا فصل
وحنا يالمسلمين الي قال الرسول صلى الله عليه وسلم((لافرق بين عربي او اعجمي الا بالتقوى)) نقوم نفرق عشان الاصل والفصل
ونخلي عوائق لانسان مالي اي ذنب بجريمه يتحمل نتائجهه لحاله
انا اعرف بنات لقيطات بس احسن مليون مره من بنات متربيات عند اهلهم
ومسلسل ((اميمه في دار الايتام)) انا اول مره اشوف مسلسل خليجي ناقش مثل هاذي القضيه عشان تعرفون بس ان ها الفئه متاجهله تجاهل كلي
والمفروض فيه اشرف على موظفين الدار وفيه اخصائي نفسي يوجد احيانا اخصائي نفسي بس نادر مايوجد 
واشرف ايضا على المدرسه الي يدرسون فيه ابناء وبنات الدرا لان يلقون كلام سي يقال عنهم في المدارس لدرجه ملاحظه انخفاض مستوى الدراسي لدى شباب الدار
هذي امانه برقبه الدوله ياليت ينتبهون لهم
مع كل حبي اختكم/ فـــــــــوز,, |