.
.
.
,’’,
يا جارح إحساس المحبة سلامات
تجرح و تسرح و المحبة كما هي
ذبحتني في محبتك عشر مرات
و على الرغم من ذبحتك هذا أنا حي
من قبل لا قابلك ماتعشق الذات
ومن يوم شفت صادروني أهل الغي
و قطعت من شانك جميع العلاقات
و طوتني الدنيا على طاعتك طي
أعشقك و أحبك و أداريك بسكات
كثر الجروح اللي تجي من يدك في
و من كثر حبك لا لفت من كيات
أقولك مسموح و أقبل الكي
و أخاف مملك شي و تقولي هات
و أقول تبغى ذي ولا تبي ذي
بخيرك ولك الأمر بالخيارات
إما تجيني لي ولا تجي لي
ولا تحسب اللي بينا بالمسافات
و إنت أقرب لـ ثوبي على مسكت إيدي
بسهر معك و الليل قله سهالات
ماني بخايف عتمته دامك الظي
و سبحان من بيده سبع السماوات
خلا عيونك شمس و رموشك الفي
كتبت فيك أبيات و أبيات و أبيات
و إن لقيتك قلت لا والله شوي
ميت و لكن ماني بضمن الأموات
ميت بحبك و إنت تشوفني حي
و إن كان حبي مات ليه المعانات
أنا بروح أموت تامر على شي؟!
’,,’
.
.
.