.
مدرب جديد + تشكيلة جديده ولاعبين غالبيتهم يلعبون مع بعض للمره الاولى + الخصم منتخب قوي نوعا ما = الخسارة نتيجة اكثر من متوقعه .
ما شفت المباراة لان مافي احد صاحي يشوف مباراة وديه تسبق رمضان بـ يوم اللي يقام فيه ما يسمى بـ " جريش " نطق حرف الجيم يكون نطق مصري  , وهو يوم تفرش فيه سفرة الطعام بكل ما لذ وطاب في بيت كبير العائله .
مكتئب الروح , مريض النفس , طريح الفراش .. هذي الاشياء اللي بتضيفها اوكرانيا اليوم ,
وبهاتريك من الاسطورة .. على طاري الاسطورة , في كم كلمة بنفسي ودي اقولها وما لقيت لها مطرح واشوف ان التقديم انسب مكان ..
شيفا مع ناديه من بداية الموسم ليومنا هذا لعب 7 مباريات , شيفا مسجل في 6 منهم  ,
5 مباريات من هالست في الدوري اللي صار له 5 جولات يعني قول في كل مباراة ,
يعني شيفا منور قائمة ترتيب هدافين الدوري الاوكراني بتصدره لها .. اللي قاعد يسويه شيفا هو فيض من غيض والقادم اعظم , وراح تتشرف جائزة افضل لاعب 2011 بحصوله عليها بأذن الله
بعد هذا كله ما علينا الا اننا نكثف الدعوات في انه يلفت انتباه غالياني ويلتف له حيث ان كل الصفات اللي يحبها غالياني فيه الا وهي ثلاثيني , ميلانيستا سابق , هداف كريم و مرتب قليل , متواجده فيه .. يلا يا غالياني الانتقالات الشتويه لعبتك هههه .. وسوري عن الانحراف الحاد عن محتوى الموضوع .
دخون وبدر , يعطيكم العافيه ومبارك عليكم الشهر .
|