مساااااااااااء الخير والاحساس والطيبه لكل الموجودين .. اخباركم ؟؟ ما اقول الا الله ياخذ المدارس الحكومية .. قولوا آآآمين .. ادري بتقولون ليه !! .. الحين بقولكم ليه أول شي انا خلصت من الامتحانات يوم الاثنين اللي راح ولا كأني خلصت .. طبعاً أول شي سحبت على يوم الثلاثاء والاربعاء << ما صدقت :D .. ومدرّسة الكيمياء قالت لنا انكم بتعيدون الامتحان لان فيه بنات غاشين عندنا بالفصل ما اقول الا حسبي الله على البنات حرام عليهم والله جايبه فيه 14 وثلاث ارباع :( ما صدقت اجيبها .. انا عصبت قلت لها واحنا وش دخلنا اللي ما غشينا قالت مالي شغل كلكم بتختبرون .. المهم النفسية قلبت زفت نكدت علي الله ينكد على العدو ما طلعت من المدرسة الا لما رحت للي اسمها مديرة .. مديرة ما عندها ما عند جدتي .. قلت لها كل السالفة قالت خلاص بتفاهم معاها انا قلت خلاص مافيه امتحان .. بس مثل ما قلت لكم ما عندها ما عند جدتي .. جت المدرّسة والمديرة يوم السبت الاسبوع اللي راح .. وقالت المديرة انه كلكم راح تختبرون وحتى اللي ماله دخل بيختبر .. بس تدرون وش المشكلة انهم يدرون من البنات اللي غاشين وكتبوا لهم تعهد .. بس المديرة بتسوي شخصية ما تدري شلون .. رجعت للبيت اشتكي لأبوي ولما عرف كم جايبه فيه عصّب وقال انا بكلمها وبتفاهم معاها .. المهم لما جاء بكرى دق ابوي ومدري وش قالها لما جيت للبيت سألته قال انها تقول راح نشوف البنات اللي غشوا وبنختبرهم لحالهم << كثري منها بس .. قال ابوي اذا جاء يوم السبت اللي هو امس وقالت لك اختبري قوليلها ماراح اختبر ودرجتي بتنزل مثل ما هي واذا قالت انك بتاخذين الصفر قوليلها الوزارة قريبه p3 << موسهل ابوي .. واقولكم .. جاء يوم السبت وانا ما فتحت الكيمياء كله بكبره .. رحت لها من اول حصه قلت لها اني ماراح اختبر الت بتاخذين الصفر قلت لها وانا وش دخلني ؟؟ قالت سالفة وش دخلك انتهينا منها والاوراق وشقيتهم << قسم بالله بغيت اصفقها .. قالت عندك من الحين الى الحصه السادسة وذاكري :( .. ما اقول الا الله لا يوفق البنات .. طبعا غصب عني بذاكر طلعت حصة التاريخ والاحياء والانجليزي << احسن شي صار يوم السبت :D .. وقعدت اذاكر .. لكن للأسف ما أحس اني قدمت زين :( .. خلصنا من الكيمياء << رددوا يالييييييييييل مااطولك .. نجي للرياضيات .. باختبار الرياضيات السبت اللي راح كان فيه فقرة عندنا بالاختبار ما كتبت لنا المدرّسة قانونها بالدفتر .. قالت خلاص بخليلكم الاختبار هذا من 10 وبسوي لكم اختبار من 5 يوم الاحد الجاي ( اللي هو اليوم ) بس بثلاث دروس اللي هو اخر فصل .. وابشركم قدمت فيه زين .. ويوم الثلاثاء عندنا امتحان تحسين للبلاغة .. << ما يخلصون لا ونسيت اقولكم انه مو الاسبوع اللي راح اللي قبله .. سوينا بعد تحسين بالانجليزي والحمد لله اخذت فل مارك .. هذي اخباري الاسابيع اللي راحت .. من زينها اخبار .. بس تكفون ادعوا ان اختباري الكيمياء يكون حلووو ~.. قفلتين ..~ << على وزن حبتين :D (( ان طاعك الزمان ولا طيعه )) (( حكم القوي على الضعيف )) صديغتكم واختكم شوشو ياحبي لكم بس p9