اول شي اهنيك عـ الموضوع البطل بجــد ، احلى موضوع قرأته في قسم الصوت من يوم سجلت للحين .. رأيي بالضبط نفس رأيك ، سطر سطر ، وكلمة كلمة .. ياسر .. اول ماشفته يطقطق بالكورة قبل يشوت البلنتي وانا داريه انها راح تضيع .. وموب هنا المشكلة ، كلنا متفقين انه (لا هو اول ولا اخر واحد يضيع بلنتي) .. بس المشكلة انه يحاول يخفي النرفزة بالطقطقة ع الكورة ومادرى انه بكذا اظهرها اكثر .. وشات الكورة وهو في داخله متنرفز ويبي يجيبها علشان يسكتهم ، يعني ماكان مركز كثير في البلنتي كثر ماكان مركز على هتافات الجمهور .. بس الاهم من هذا كله انه بـ تضييعه للبلنــتي ، كأنه يثبت للجمهور ان هتافاتهم تنرفزه صدق ، وتشتت تركيزه .. يعني من بعد هاللي صار هالهتافات راح يسمعها كثير وعند كل هجمه له .. إلين يحس الجمهور ان ياسر مايهتم بهالهتافات ولا تأثر فيه ، راح يتوقفون عن ترديدها لان ماصار لها مفعول .. فـ اتمنى من ياسر ( وقت المباراة يركز ع الكورة بس) ، ويتجاهل اصحاب الهتافات الين يملون .. (ويحاول يحسس نفسه داخليا بـ انها مجرد هتافات وماراح تأثر عليه) ، ويكون مقتنع بهالشي مهوب بس مجرد كلام زي لما يقول انها نغمة جواله .. وجمهور الهلال ياكثرهم وياقل بركتهم .. اقلها ردوا عليهم انتم بتشجيعكم لياسر .. موب معقول اللي صاير ، جمهور الشباب ينعدون ع الاصابع وتطلع اصواتهم اعلى من الجمهور الاكثر شعبية .. الكاميرا تجي ع الجمهور وهم في حالة صمــت سواء فزنا او تعادلنا او خسرنا .. وبالنسبة للقلة القليلة اللي تشجع ، فـ للاسف يد لوحدها ماتصفق .. اما قناتنا الرياضية الفاشلة ، فـ حرام اني اكتب فيك شي ، انحدينا عليك عسى مايطلع ردي اطول من الموضوع