:
- وقت الحزن , وقت الهمّ .. كلنا نحتاج من يسمع لنا , و نشكي له همنا " شي طبيعـي "
لكن الـ " غير طبيعي " , إنّـك تشكي همّك لـ شخص لم تلتقي به يوماً
شخص يشاركك همومك و هو نفسه لا يعلم ..
شخص لا يعرفك حتّـى
,
فـ عندما فقدت أغلى ما عندّي وجدته يتكلّم بـ لساني و يقول " بـ الحيل محتاجك تعال و قدّر ظروفي , فيني همـوم و ما لقيت الي معي " يوفـي "
و يواسينـي بـ " لـ خذلك الوقت يا قلبي إبتسم , الزمن طبعـه كيذا فرحه و همّ " :/
و في الوقت الي فقد بيتنا شخص كان يملاه فرررررح
قال عنـه " البيت ما يسوى حياتي بـدونك , البيت ظلمه كل ما اشب نوره .. من وين ما اطالع الاحظ عيونك , علقت لك في داخل القلب صوره "
و في وقت مليييييت فيه من الدنيا و بـ جد تمنيت الموت نطق و قال " أبي أرحل عن الدنيا و انا ساكت , لانه ما بقى فيني سوا جرحي , شوّي من الآلم مدفون في صرحي "
و كثيييييير و كثييييير , حتى في ابسط الامور
ألقى حلّها او تبرير لها من تصاريحه
.
.
.
بعد كل شي , انا أقول له " الله لا يحرمني منّك يا عسى عمرك طويل " .. و " تكفى لا تخلينا " .. و " أحبّـك و القمر يشهد " ..
استماعي , إعجابي , رمزياتي , توقيعي , مدافعتي عنه .. كلها مُجرّد رد دين
لـ شخص يشاركني جميع لحظات حياتي .. و اكثر
.
.
بعد هذا , لا تسألوني : ليش تحب سعد الفهد ؟
* أغلى ما عندي هو أبوي الله يرحمه
*الي كان يملى بيتنا فرح أخوي الله يرحمه
.