. أقتباس - بما أنكم بنات يعني ونادر تلاقيهم يتابعون كوره ويحللون مثلكم هل تلاقون صعوبه لما تتكلمون مع بنات في سنكم عن أمور الكوره وسحرها ؟ < الاخيرة أسمعها في قناة الجزيرة واجد : P بما أن أغلب سوالف البنات رحت شريت هالشنطه وشفتي هالجوال وهذاك مطعم واااو وشفت فستان يهبل وهذا يحبني وساحب علي ألخ هل صارت الكوره حديث البنات ؟ وهل البنت اللي تتكلم عن الكوره وتعشقها مقبوله في مجتمعنا ؟ وبس فيه صعوبه كبيره خصوصا اذا اجتمعنا على وحده نحاول نقنعها تشجع ميلان او الريال فتقول لا بشجع برشلونه ؟! هني عاد حنا نتحد ونصير حبايب .. لمده اممم 12 ثانيه وهي اتحاد كره برشلونه UHB united of hating barca .. بعدها نرجع نقلب .. مشكله لما امسك مثلا بنت واكلمها عن امجاد وانجازات الميلان واكون مندمجه في الشرح و تسألني : ميلان شارك بكأس العالم ؟ و ينهار كل اللي بنيته .. ولا اسأل احدى الفتيات ليش برشلونه ما يلعب بكأس العالم ؟ الجواب : لأنه ما تأهل .. يعني صايدتني ما تأهل , غلطان برشلونه المفروض متأهل هذا الى جانب البنات اللي يرفعون الضغط فيه انهم يحبون نادي عشان مدرب حلو او لاعب وانا من ضمنهم لكن مو لهذيك الدرجه , اختي مثلا كانت مدريديه صميم لانها تربية مريوم لكنها قلبت برشلونيه ليش ؟ غوارديولا حلو .. تحب الانتر ليش ؟ اغنيتهم " pazza inter " حلوه , مريم تشجع الانتر عشان بالوتيللي حلو خخخخ .. ولا تجي وحده مدرعمه هذا اول موسم تشوفه , وتشوف مباراة ديربي ميلانو وتسب في ميلان وتقول كل ما اشوفه يخسر وفريق مسخره ..و تمدح في الانتر وتقول كل ما اشوفه يفوز .. الله واكبر اللحين الانتر اللي صار كل ما تشوفه يفوز .. زين انا مو ذنبي ان هذا اول موسم تشوفينه وصادف فيه الانتر ماشي معاه الحظ تقومين تمحين تاريخ نادي كامل ليش ؟ بالنسبه لـ الاشياء اللي تهم البنات فهي تهمنا و بدرجة كبيره لكن ندخل فيها لازم فيها كورة عشان تحلى زياده .. مثلا ما اشتري قميص لونه اسود وازرق لانها الوان الانتر .. واشتري ساعه او نظاره D&G عشان ادعم فريقي بما ان D&G راعي للميلان .. وهكذا الكوره في اقبال عليها من البنات وصاروا يتابعونها ممكن محليه اكثر من عالميه , يتابعون البطولات المهمه مثل كأس العالم ويشجعون اسبانيا .. بشكل عام النسبة ارتفعت .. من ناحية تقبل اهتمام البنت بالكوره بتكلم عن محيطي مافي اي مشكله بالعكس يشجعون اخواني يناقشوني بالكوره و ابوي اللي يشجع اي فريق ضد ميلان او ايطاليا وتجيني هدايا قميص الميلان او ايطاليا او كاب وسكارف او ستيكر او ميداليا او اي شي يخص الميلان و ايطاليا .. لكن بعضهم فاهميني غلط عبالهم انا موقع كوره يدقون علي : الو , اليوم في مباراة ؟ اي ساعه ؟ الو , مباراة الخرطوم و الهلال السودانيين كم النتيجه اللحين واي دقيقه ؟ وهكذا .. .