الخيانه رأس مالك والغدر منك وفيك
وانت ماتحمل بقلبك غير غدرك والخيانه
لاتقول أني هويتك وأني أحبك وأبيك
كيف وأنا الغدر منك ذقته لحد الآهانه
انت من يعشق عيونك مات وبهمه نسيك
لان غدرك والخيانه يقتل الحب وجنانه
بعتني والله حسيبك يوم قلبي مشتريك
بعتني وأرخصت قلبي لين جرحة بكيانه
كنت واثق في غرامك كان قلبي مشتريك
كنت أحسبك في حياتي حب ملكني حنانه
كانت أعيوني تشوفك غير كل الناس ذيك
لين ملكتك حياتي وصرت لي سيد زمانه
مادريت أن الخيانه صارت أرموزك هذيك
لين ذقت الغدر منك وبأمنه وبأمنه
كيف قلبي شلون قلبي بعد هذا يرتجيك
كيف عطني من حلولك قول من يرضى هوانه
كلمه وأسمعها أمانه لاتجيني ولا أجيك
دام كلك على بعضك رمز وافي للخيانه