لحظه قبل ارد لازم اعطيكم شوط " سمو بسم الله عليها الف تكبير وصلاة = > علي انا يالله حيهم بموضوعنا الجديد, طبعآ بالبدايه بقولكم الماما نامت وإلا كان نخلتها نخل شلون عروسهم وش كان وضعها .. هم مثل بنات هالايام حياويات = > ايه هين اللي فهمته منها ان عروس من اول مافيها تكاليف زي هاللحين ماعلينا من هذا كله الأهم بموضوعنا نوضح كل منطقه كيف طبعهم وعاداتهم بالزواجات طيب بما انّي نجديه , راح اقولكم عاداتنا . حنا ياأهل نجد او بالاخص بيتنا يعني كأنه اول زواج يواجهنا من التعب اللي يصير به واللي يقهر انه مجرد يوم اهم شيء عندي الطقاقات إذا مافيه ماكنه زواج بالنسبه لنا امهاتنا يدهرون بالبوفيه كيف يكون / الرجال طبعآ ذبايح ونادر يكون لهم بوفيه وهيك طبعآ اهل نجد غالب طبعهم اهل الزوج يجون يشوفون البنت قبل اذا اعجبتهم وطلعو من بيتهم / ام الولد تكلم اهل البنت مره ثانيه انو كل شيء تمام عاد الباقي عليكم اذا تسألون عن الولد وهيك .. اهل البنت يسألون عن الولد بالمسجد بالدوام ... الخ يعني بكل النواحي إذا تم كل شيء كويس ولله الحمد هنا تتفق ام البنت مع ام الولد انو كلش تمام عاد وقتها يحدد ابو البنت موعد مع الولد ويجي له يعني يستامرون الحديث ويعرفه اكثر = > الولد عندنا لازم يشوف البنت قبل يتملك عليها عاد هي تدخل بعصير ان شاءالله بكلينكس المهم تطل ويشوفها همن تطلع = > لاتسوون مثل اختي مغططططططت مغطه وهجت المهم بعد كذا الولد يقول لامه اذا اعجبته خلاص يتم كل شيء ويتحدد بين الرجال موعد الملكه ويجب المهر طبعآ الملكه اما يكون بس رجال او يكون فيه حريم يعني البنت خالاتها عماتها هيك بعد الملكه خلاص البنت من حقها تكلم الولد بس ماتطلع معه والولد بالملكه يجيب هديه للبنت واحيان امها مدري شالسر انا اذا اعرست منب معطيه الا ابوي وش دخلني باامه = >> الشطانه من اولها :p هذا طبعنا تكلمه ايه ماهنا مشكله يتفقون على اللي يبون لكن طلعات لاه وعاد يتحدد وقت الزواج وتبدأ البنت تجهز والولد بعد عندكم شيء اسمه " العونات " اللي هي الهدايا والقروش اللي تجي للبنت والولد = عجيّز امممممم وش بعد عاد تبدا الدهره اللي تجهز كوشتها واللي تقاول بوفيه وش يحطون من تقديمات وتبدا تبحث عن زفه لان طبعنا البنت لها حريه اذا تبي تنزف للحضور او ماتنزف واذا تبي فهي تنزف قبل العشاء طبعآ وماتطول يعني من نص ساعه الى ساعه جالسه بعدين تطلع وتركب سيارتها = > بتصيح تذكرت اختها : P اممممم هذا بختصار اهل نجد وحنا ترا ماخلصت باقي برجع بس ابي انتو تحكون ابي اعرف اكثر وخاصه اهل الحجاز ودي اعرف شلون عاداتهم يالله هلمو