(1)

السعوديه وغيرها من الدول الخليج لازلت لديها ثقافة الأجنبي افضل مننا
احنا مانكابر ولا ننكر ان فعلا هناك دول متقدمة وسبقت في مجالات كثيرة وعندها الخبرة ..
لكن الواقع حاليا ما جبنا الاجانب من اجل الاستفادة منهم .. لا جبناهم عشان نعتمد عليهم ..
اذا الاجنبي عنده مؤهل ويملك خبرة يستاهل السيارة 500 الف .. بس خلونا نستفيد منا 5 سنوات
وويعطي دورات تدريبيه وبعدها يجي سعودي مكانه ..
مانبغاهم يعمروووون .. عطوا شبابنا فرصه

(2)

نرجع ونكرر عقدة الاجنبي الافضل في كل شيء ويستاهل هالامتيازات
و للاسف ابن الوطن المبدع بيلقى تقديره واحترام موهبته وتفانيه في دول ثانيه

(3)

بنظري حتى مجالات عمل المرأه مازالت محدودة .. ووتعاني اغلبها من نظرة المجتمع لها
يعني اذا بنشوف قرارات متناقضة فهي راح تتعدى قيادة المرأة .. قرارات متناقضة في كل شي ..
وليتها بعد تطبق كلها على الورق واذا جينا للواقع .. للاسف مافيه شي منها تنفذ

(4)

الابتعاث
من وجهة نظري أنا اشوفه هو العلامة البارزة والوحيدة في تطور التعليم في المملكة ..
أي نظام يطلع اكيد يشكي من السلبيات والواسطات والمحسوبية ..
بس بالنسبه لي يظل هو افضل ما طبق في التعليم
حتى لو بحثنا فيه بنلقى ان المملكة اخذت المرتبه الثالثه بين دول العالم
في نظام ابتعاث ابنائها في الخارج ..
وحتى وزارة التعليم العالي متشدده من ناحية الجامعات المبتعث لها كسمعة الجامعة ومدى قوتها.. واختيار التخصصات اللي يحتاجها سوق العمل
احنا نطمح لتحسين ..
لكن بناء ماحققه النظام خلال 5 سنوات ..
انا متأكدة بأذن الله اننا بنشوف ثماره وفوائدة في جميع المجالات

(5)

الشي الايجابي من اختبارات التحصيلي والقدرات وغيرها ..
انها تبين للشخص وشهي امكانياته .. في العشر السنين الاخيرة
لو نلاحظ اغلب الطلاب والطالبات يضيع من عمرهم سنه كامله او اكثر وهو يحول من قسم الى قسم ..
ماهو عارف امكانياته !
سلبياته وانها ماتقيس .. ماجربتها .. بس الحمد لله مامرينا فيها ودخلنا الجامعه بسلام

* بالأخير اقدر اقول شكرآ يَ يُوري خليتينا نفضفض شوي
عن اشياء ماكانت بترجع تنقال بعد ماانكتم الصوت ولامن مجيب لها

موضوعك نقاشي وإطلالتك مختلفه ,
عاد لاتبخلين ثانيه طلي كثير يالمرأه السياسيه