مسهم بالخير ..’ وشسموه .. أنا صيفي مدري وش يبي .. كنا بجدة ببداية الإجازة عزايم وجمعات استراحات وشاليهات وعرس .. < انوت خلصنا من جدة .. أمي وأبوي طقت بروسهم يسافرون الرياض للسلام على الأقارب عاد أنا قلت هالمرة لازم ارز عمري معهم .. وبتشجيع من الآنسة ندى اللي ماغير تسوي دعاية للرياض بهالفيس ()< مالكم بالطويلة زهبت أمتعتي وقلت لأمي رجلي على رجلك .. صدرت الموافقه ووصلت الأحد بحفظ الله ورعايته الرياض < وماامداني وصلت المطار الاقلت لأمي حررررر طفش قالت كان قضبتي أرضك وقعدتي هناك عاد تخيلوا الكآبتن يقول يوم وصلنا الساعة 10 الصباح درجة الحرارة 37 ْ أبو الفقش أنا من النوع اللي مااتقبل حر بدون بحر .. ابلع المدينة اللي به حر وبحر < ماكنتس تذبين بس الجد الجد طفشت أمي ماطلعتني الا عند اقاربنا لا وماعندهم بنات واللي عندهم بنات سآفروا وبيني وبينكم الرياض ماله ملح بدون سآمي < كلن على همه سرى يعني هالايام أحسه بتضيع من عمري هنا < برآ من زمان عن الرياض بكره الليل بآخذ جولة فيه بإذن الله اذا صدرت موافقة مامي .. ولاتوصون بجيب صور للرياض < لاياشيخة الا وشسمه انتوا اللحين وراه تهجدون 11 بالكثير .. البارح وحنا راجعين البيت الا الناس هاجدين < ندوش وإن شاء الله مسافرين أبها الاسبوع الجاي زواجات وهيك وسياحة بالمره إخواتي اليوم سافروا يقولون أمطار وبراد جو يهوس مب الشوب اللي هنا < بتنجلد أحبتس في الشتاء بس يالرياض ندى شرايتس فيني وأنا أذب