سلام كيفكم وش أخباركم وش علومكم عساكم بخير كيف الجو معاكم حر صح<<فاضيـــه لاحد يلومني ـــــــــــــــــــــــــــــــــــــــــــــــــ بصراحه من يوم مابدت الاجازه وماهنا شي غير النوم والتلفذيون و..و..و بس أمس غيـــــــــــــــــــــــر... تبون أقولكم ليش حتى لو ماتبون بقول ياطويلين الاعمار أمي تصحيني العصر وتقول: قومي الجو يجنن وبراد وتمدح بالجو وأنا أقول في نفسي: يحليلك يايماه تضحكين علي تبيني أصحى بس مكشوفه يادلب بيشو بعد هذا الحوار القصير وإذا بي أسمع أميمتي تغني: يامطرا صبي صبي على قريعة بنت أختي....."مستانسه الاخت جو حلو بجده وبالصيف" وإذا بي أتحدث مع نفسي مرةً أُخرى وأقول: يابشاير قومي شكل السالفه من جد -وإذا بي أنقز من فرشي وأذهب الى الشباك وأرى سحباً وغيوماً وجواً جميلاً وبعد أن صحصحت ذهبتُ الى الحوش قليلاً ثم دخلت الى جهازي"كالعاده" وفتحت المسن وجلست أسولف مع "تونتي20" وأخذتني السوالف الين ماسمعت صوت على بالي المغرب أذن فقلت لها خلاص أذن بروح أصلي وقفلت الجهاز والبيت هــدوء قلت الناس بالحوش عشان كذا وأطلع ومافيه أحد الا رشا<<أختي اللي أنا وياه طقاق 24 ساعه أنا: وين الناس رشا: طلعو أنا: وين؟ رشا: بيت جدتي أنا: أذن المغرب صح رشا: لا أنا : طيب ليه لابسه العبايه سلامات رشا: سلامات أنتي ماسمعتي الصوت اللي قبل شوي بروح بيت جده خايفه شكلها بتمطر أنا: أقول بطلي هبل وتخليني لحالي رشا: وانتي ليش ماتروحين ولا مسويه فيها متى خايفه -أقول أنا بروح بتجين تعالي مابتجين بالطقاق "الله أكبر الله أكبر" أنا: خلاص أنطقي نصلي وإذا كان الجو تمام طلعنا<<أكذب عليها عشان تقعد صلينا وخلصنا رشا: يلا أنا: هبله أنتي مايمدينا الخبله عصبت وطلعت خواااااااااافه لازم أمي عندها وجلست لحالي مسويه بطله... وبعد دقيقتين والباب يدق وإذا بها رشا والدموع تملىء عينيها أنا: هههههه وش رجعك رشا: الهواء قوي وانا خايفه دقي على أمي أنا: سمي بالرحمن مافي شي وبدأ يمطر على خفيف -هجدت البنت وطلعنا فالحوش نتفرج على المطر طولت أدري بس باقي يومي ماخلص وبهرج ماوري شي وودي أسولف لان الناس نايمه المهم الناس جات واستتب الامن وماصار شي المطر كان حلو ووقف الا أن بدت مباراه أسبانيا وهولندا والا يجي ذاك الصوت" برق ورعد" كان مره قوي وطفت الكهرباء وبدأ البكاء من أختي الصغيره حنو ونحول منا منا يابنت أسكتي مافي شي ولا حياة لمن تنــــادي... ورجعت أشتغلت الكهرباء بسرعه وسكتت وبديت أتفرج المباره وإذا بها تطفي مره أخرى وأنا ودي أشوف المباراه بس عندي خوف من الكهرباء رحت وطفيت ذي اللي مدري شي سمونها حقت الكهرباء وقلت ماعاد فيها ودي ولا ودي الوضع يخوف وأمرت بماهو أت: لاحد يشغلها لما يوقف المطر وجلسنا كذا يمكن نص ساعه تحت ضوء الشموع وننظر الى المطر من الشبابيك والابواب<<على بالي هايدي فديتني وهدء الوضع وشغلت الكهرباء <<ابوك يالمسؤول تبوني أحكيكم كيف تابعت المباراه فيه ناس لسان حالهم يقول لادخيل أمك... ولا يهمكم باختصار كنت أسبانيه وتحمست الشوط الثاني - وكرهت لاعب هولندا رقم 10 لانه وقف قلبي ماأدري الا وهو طايــــــــــر بس الله يخلي لنا حارسنا البطل المملوح - وانيستا اللاعب الفذ وأكوس لاعب فالعالم - طبعاً لازم ينول المزيون "فيــــــــــــا" شيئاً من المديح حتى وهو ماسجل وه بس وختاماً تقبلو خالص تحياتي كانت معكم بثـــــوره الامــــــــوره من أرض الحدث " هــــــــــــــــذا مايفعله الطفش يخليك تهذري بشكل فيه نوعاً من الخباله تحملوني فديت قلوبكم