مابقى الا سـود الايـام تحرمـني الرقـاد!
ما نآقص إلا الشيب يختم ضلوعي
واطيح ما اخشى هرجة القيل والقال
ياباشة الأضلاع فضفض شويه
احذر تجيب العيد باقي له شهور
وعيوني سهارى
لا غفيت افز مرتاع
فجأة ادور لي هواء
واركض على بالي دواء
واقول وضعي مو خطير
عشان باشتنا يهدي
ولحآل أزمتنا يعدي
ويمر قدامي شريط
يعرض أحلامي وأقول
يعني شايف هذا وقتك؟!
وربي ادري مانسيت
أدري اني انتهيت
من زمن جدك وجدي
واصله معي لحدي
وادري مو قد التحدي
ومن يومها ماعد طريتك
بعتني يوم اشتريتك
صرت ناسي كل شي
وانشغلت بهم أكبر
في زمن والله أغبر
هاه يا أحلامي اقتنعتي!
اني فعلا ماني قدك
وانهدمت
قصدي اني ابتلشت وبلشتي مثل الكلبشه...
كنها تقول ما فيه فكه
لاصقه في كل سكه
دورها بابي تصكه
ونرجع لأصل الحكايه
لعلتي ودائي وداويه
لو جت علي استويت
ماعاد تفرق معايه
والدليل اني انطفيت
ولو جيت تسأل ويش حلمك؟!
بقول اسكت لا يطير
بتقول منهو
؟
بقول اي شي اقوله بيطير
اششش مبطي ما غفيت
وازيدك من الشعر بيت
محد مصدق!
حتى انا ماني مصدق
بذمتك عطني مخدر
دبره لو ما تصدر
جونا لازم يغدر
جونا لازم يغدر
جونا لازم يغدر
قد قيل لي مافيك حيله!!!!
هو صدق مابه وسيله؟!؟
زين مو قلت ان جت على استويت
لكن معي اطراف في هذي القضية
اعتقوهم
عيني وحلقي وصدري
ردوا لعيني المنام
وردوا لحلقي هدوئه
وردوا لصدري الأمان
بس هذا اللي ابيه
وغيرها ماعاد ابيه
تبوني امسك العكاز
وشعري اصبغه ابيض
عشان نكمل الصوره
واقفل هاجسي وجوره
حاضر بلبي لو تبون
وارتاح وانتم تشبعون
وانام هذي رغبتي
مشتاق لرآحه كثير
كنت انا مره أمير
والحين لا والله غفير
غفير لكن جوا بيتي
في غرفتي اصبح كسير
برا أمير وذاك صيتي
سلطتي من الله دمير
لا تقول اني اشكي!
كاتب واسوق الحرف كيف ما اشتهي
افعل ما اقول
واقول ما افعل
كلشي يجوز!
وجيت ما انوي بروز
لا ولاقصدي افوز
جيتي دايم تزلزل
مو كذا وايضا تجنن
مدري نعمه او بلاء
الأكيد ان انا ماني بخير!
او بخير!!!
المهم انسى ولا كنك قريت
شخص فاقد ما رقد
وش تتوقع بيكتب
حتما ناوي يجيب العيد
وقطعته بسيف حديد
ولا تصدقونه
احساسه يخونه
التعديل الأخير تم بواسطة هلالية بنكهة ياسريه ; 04-07-2010 الساعة 02:28 PM
|