عين الصواب 
, مو معقولة مع اقرب سقوط نطالب برأس كابيلو , صح مو اللي كان
نتوقعه مع المنتخب ان يخرج من دور الـ 16 ؟ لكن وش نقول غير قدر الله وماشاء فعل .
كابيلو صدقوني أستفاد إيما إستفادة من اول بطولة له مع المنتخبات , الاسماء المستهلكة
من هيسكي وجميس وطقتهم ما أعتقد ان نشوف لهم مكان في تصفيات امم اوروبا
2012 ,
كابيلو أخطأ لكن مو عيب , العيب الاصرار على الخطأ , مثل هيسكي أعتماد عليه في
التصفيات و أول مباراتين , ويوم جد وقت الجد أستبعده ودخل ديفو وحسم لنا اللقاء !
خطة 4 / 4 / 2 أعتقد لن نراهـ مجدداً في كتيبة الاسود , بعد ما فضحنا فيه أبنان المان
الخطة هذه عقيمة وأكل عليها الدهر وشرب , وما أعتقد انه فيه منتخب عالمي يطبقها
حالياً غير إنجلترا 
, وللاسف ياليت نطبقها بحذافيره اللي لازم يتواجد فيه اطرف على
أعلى مستوى , جيرارد صانع اللاعب يلعب يسار ؟ وفيه إزداوجية بينه وبين لامبارد
بالادوار , هذا غير عدم إلتزام باري بواجبته الدفاعية , وآهـ يا هاري فقدناك .
كابيلو كل اللي ابيه يسمع للاعبين يعرف وش يبون بالضبط , عشان يطلع منهم
بكامل الإستفادة الممكنة , يعني معقولة 3 / 4 مدربين مروا على الاسود ومافيه احد
عرف يوضف ويوافق بين الثنائي العالمي هذا ! نبي لاعبين ضغار متجانسين ويلعبون مع
بعض من فترة عشان نستفيد منهم لأطول فترة ممكنة , ولكم في ألمانيا مثال !
الحراس أعتقد خلاص جرين نفسياً مو لائق لحراسة إنجلترا بعد ما أستغنى عنه
كابيلو في المباراة الثانية , مالنا ألا نجهز القادم جو هارت من الآن , أفضل حارس
في البريمر وإنجليزي وش تبون أكثر من كذا ؟ ليت بس اشوف نادي من البيج فور
يهتم فيه وياخده , عودته للسيتي ماراح ترجع عليه بفائدة أبدأ في ظل تواجد حارس
عملاق مثل شاي جيفن , ودي يروح للجنرز والله , بيفيد نفسه وبيفيد أرسنال
وبيفيد إنجلترا عموماً .
وش كثر طلباتي 
, ليت بس الدون يطبق على الاقل الـ 4 / 5 / 1 ,
يعني الحين ترضخ للاعلام وتجرد جون من الكابتنية ولا ما ترضخ لهم لتغير التكتيك ؟
* بالنسبة للخائن صمت الجروح 
, راجع لك في الرد التالي