. أقتباس اعانك الله يا الضي اللي خسران من سويسرا ما يتكلم , اللي عمرهم ما بيوصلوا للفاينل ما يتكلم هههه .. ونعم اعانني الله عليك يا اختاه .. و رغم خروجنا من الدور الاول نبقى للتاريخ 11 / 7 كامبيوني دل موندو .. تخيلي الفريق بروما ويشوفون من التي في لكنهم متوجين ابطال عالم ؟! شفتي ايطاليا ؟ " صايرة احب استخدم الفيسات " في ايطاليا الناس كريمين و يراعون مشاعر الغير .. في 2006 توجت ايطاليا باللقب و احتفلنا و طلبنا بيتزا و استانسا وغيرنا يشوف ( احد قال مريم ؟ ) .. " وما ننسى مباراة ميلان و الريال ذهاب فزنا و احتفلنا وطلبنا بيتزا و ايضا غيرنا يشوف " .. مرت اربع سنين والمنتخبات متحمسسسه و قاعدين على نار و الدولة المستضيفه طايره من الفرحة بما انها السباقة على مستوى قارتها .. وتجهيزات ودنيا و ذيس تايم فور افريكا .. ومتوقعين بطل جديد و بطولة حماس واشياء غير متوقعه .. تقوم ايطاليا تشد حيلها شوي و توتاخذ الكاس ويتكرر السينايو اللي متعودين عليه !! .. خيبة امل صح .. فقرر ليبي انه يزيد في الكرم شوي و يستهبل بالاختيارات و يستعبط في التشكيلات عشان ايطاليا ما تخرب كل اللي باقي العالم مسوينه .. كبير يا ليبي .. انا من شفت اوكرانيا ما تأهلت وانا داريه انه كاس عالم لعب عيال .. البطل و الوصيف من الدور الاول .. انجلترا و المانيا في دور الـ 16 يعني بنودع وحده منهم من هالدور .. واحتمال نفس الشي يتكرر مع البرازيل و اسبانيا او البرتغال و اسبانيا .. انك تفقد ايطاليا + فرنسا + انجترا او المانيا + البرازيل او اسبانيا او البرتغال من دور الـ 16 غير اللي ما تم حسبتهم تستنتج ان كاس عالم يعاني من مشكلة ماا .. لا ابوه موسم من شاف الانتر بطل التشامبيونز درى انه موسم يعاني من خلل ماا .. لا من دوريات ولا من كاس عالم .. كل واحد موسمه اردى من الثاني .. اسباب الخروج من المونديال واضحه .. خيارات ليبي ثم خيارات ليبي ثم خياراته .. اللي شاف الاستديو التحليلي بعد المباراة مع الخلصي و ساكي و تشيزاري بيعرف اسباب الخروج .. متعه صراحة الاستديو مع هالثلاثه يا ليتك ترجع يا الخلصي للكالتشيو بلا كاس عالم بلا دوري ابطال .. هذا الاستديو اللي يتتابع .. ما نطلع برا الموضوع .. خيارات ليبي خصوصا في هالمباراة .. دام بيرلو جاهز ليش ما شركته من اول المباراة ؟ كوالياريلا ليش بالاحتىياط ومدخلي ياكوينتا ؟ ماركيزيو ليش احتياااط ؟ جاتوزو يعني تبي القرينتا بلا قرينتا بلا خرابيط ما استفدنا منه شي .. كنافارو ليش مستدعيه من الاساس .. حصيلة اهداف ايطاليا في المونديال 5 اهداف .. 3 منها اخطا كنفارو .. دي روسي استخف ما يدري يهجم ولا يصنع ولا يدافع .. اخرتها يلف يشوف وراه كنكن و كيلليني يقول الشكوى لله ما لي الا اني ادافع .. ما ينلام بهدف سلوفاكيا الثاني دي روسي مو شغلته يدافع و يستخلص .. ياكوينتا اساسي ثلاث مباريات على شنو ؟ لا و يتحسف بعد بعد ما يضيع فرصه الغبيه اللي بين كورته و القول 29879857 متر يعني انا اللي كورتي " it was nearly complete " .. اخطاء ليبي كانت كثيره لكنه بعد ما ينلام .. ليبي كان مخخط وراسم اشياء في باله لكنه يتفاجئ بأصابة بوفون و بيرلو اللي اكثر اثنين كان معتمد عليهم .. صدمة ولخبطت كل حساباته .. بوفون ماجيو كيلليني نيستا بيبي ( زامبروتا ) بيرلو دي روسي ماركيزيو ( كاسانو ) بالوتيللي ( مونتليفو ) دي نتالي ( باتزو ) كوالياريلا ( شيفشينكو خخخخ ) هذي التشكيله اللي كان لازم تصير .. ولو كانت ما كان ودع البطل من الدور الاول .. يلا عاد .. خلى لكم الجو ايطاليا و قالت اخليهم يلعبون كوره شوي مو كل مره انا البطل : $ .. اللحين نشوف كاس العالم على رواءءء و نشوفكم على خير . .