. يعطيكم العافيه مجهود كبير .. استمتعت وانا اقرا الاراء .. لكن في كم رأي وجب التعليق عليه .. أقتباس آتوقع الحظ بيمشي مع آوكرآنيآ كـ العآآده , انا اتمنى انه كان في بالك منتخب ثاني لكن اوكرانيا سقط منك سهوا .. لكن لو فعلا تقصد اوكرانيا فهنا يبدأ الحديث .. اي حظ ؟ انك توصل للملحق وتحط رجل في جنوب افريقيا ورجل في اوكرانيا بينك وبين التأهل مسافة ما بين العينين .. وما تتأهل حظ ؟! اوكرانيا اصلا ما تأهلت ! مصطلح " كالعاده " نستعمله اذا كان الشي متكرر اكثر من مره .. و اوكرانيا وهي دولة حديثة التأسيس وعمرها يساوي عمر محدثتكم حيث انها تاسست في 1991 " قلبناها جغرافيا " ما تأهلت غير مرة وحيده يتيمه فقط وكان في 2006 .. كانت اول المتأهلين بجهود لاعبينها واصرارهم .. وين الحظ في هالشي ؟ بعدها طاحت في مجموعة تضم اسبانيا و السعوديه و تونس .. من النظره الاولى للمجموعة 90 % من الترشيحات اجمعت على ان المتأهلين منها يا اسبانيا و السعوديه او اسبانيا وتونس .. اما المنتخب الاصفر و الازرق المغمور في تجربة الاولى ما توقع تاهله الا مشجعينه وهم باقي الـ 10 % .. تاكدت ترشيحات عدم تأهل اوكرانيا بعد خسارتها في مباراتها الاولى امام اسبانيا برباعيه نظيفه .. لكن بروح من اللاعبين ردوا هالرباعيه في شباك السعوديه وكملوها على تونس و خذوا بطاقة التأهل .. الفوز برباعيه فيه حظ ؟ تتأهل تقابل منتخب ابطال العالم في دور الـ 16 و تودع البطولة بثلاثيه .. الخساره فيها حظ ؟ هذا حظ ؟ تبي تشوف الحظ الصح انصحك بفيلم " just my lick " بالاخير رايك واحترمه يا مساعد لكن فراغ ولقيت الكلام قدامي .. أقتباس بصراحه ايطاليا مشتهره بالحظ يا ليل الحظ .. نحترم ارائكم يا اصدقاااء .. أقتباس الحصان الاسود اليونان حتى في هذي مشاركتني ؟! مشكورين مره ثانيه .. يعطيكم العافيه فوق هام السحب اليوفنتينو : D , صمت , وجريحه على ما اعتقد ؟ .