[سلام ريحه مسك و ريحان لكل أعضاء منتدى قناصنا الغالي ..




هاذي بدايه لي في منتدى المجلس
أتمنى أنكم تتفاعلون معي فإن تفاعلتوا فمشكورين وما قصرتوا
العفوووو
إون حصل العكس فهذا شي راجع لكم <<<طيب ليش معصب
في يوم من الأيام ياسادة ياكرام
وفي بر من براري نجد الحبيبة <<<ارحم يامتعصب
طلعت أنا وسبعة شباب نبي نوسع الصدر ونبعد عن حكرة الشياب
وكل واحد فينا ما شا الله ينشد فيه الظهر>>>أبوك يالثقة
إلا واحد و هو ولد خالتي إسمه عادل خكري الله لايوريكم دلوعة أمه
و أول مره نعطيه وجه
ياعمري
وناخذه معنا للبر و يا ليتنا ما أخذناه ما منه فايده
ويوم وصلنا بحمد الله رتبنا العزبة
و نصبنا الخيمة واستلمت الغدا و قعدت اسوي أكلتي المفضله

ألا وهي :

شفتوها شكلها يشهي العين مرره مشهيه <<من جنبها
وهي عبارة عن

قطع لحم غنم <<<أجل وش رايك لحم نعام مع مكعبات طماطم
و حلقات بصل وملح وبهارات على كيفكم ونحطها بقصدير
ونلفها زين وبعدين ندخلها في الجمر
اذووب عالشيف
الذي شارف على الإنطفاء وعلى فكرة نصيحة لوجه الله
للبنات و الخكاريه لايسوونها عشان ما تصير تفجيرات و حرائق ..

المهم وسويت سلمكم الله قرص البر <<<الله يا حبي له
سووا العجينة بشكل طبيعي بس انتبهوا ترى من دقيق بر تتصلح

ماهو من دقيق أبيض وتنحط بعدين على الجمر وتتغطى أيضاً بجمر ..

وفي أثناء انسجامي في إعداد الغداء جاني أخوكم في الله

اللي اسمه عادل وقال لي :

وش تسوي لاتقول بيتزا
خخخخخخخخخخ
ياحبني لك تعرف وش أحب أكل ..
أنا ارتفع ظغطي من ذا الخكري
صكيته بغضارة جنبي : الله يقطع ابليسك يالخكري شايف بيتزا
ولا شايف قرص بر
حرااام
الشره ماهيب عليك الشره على من خذاك معه <<<إخسسس
هو : وانا وش دراني نفس القاسم المشترك اللي بينهم نفس
الاستداره و نفس اللون تقريباً قلت انا : اقول وش رايك تجيب
سبورة يالمصري وتشرحي هاذي المعادلة وش قاسم مشترك

وش استدارته رح لأمك الله يصلحك بس فشلتني الله يفشلك ..
ههههههههههههههههههههههههههههههه

راح السبيكه يفتح شنطته و يقرا دفتر الرياضيات حقه
حلوووووووووووووه

وتلوموني فيه المهم سلمكم الله قعدت اطبخ الغدا
أنا و سليمان و باقي الشباب يلعبون كيرم ..




إلا و مر علينا ذاك الشاص اللي شدني إن اللي يسوقه حرمه
لا ومبرقعه إلا وأنا أطفي
الظو وأركب الهايلكس وأنادي الشباب ياهوووه حرمه
تسوق ذيك السيارة لحقناها يالله
ياقويك وتقولها بعد

<<< صدق سعوديين محرومين وحالتنا صعبة
وهات يا ملاحقه والحرمه في حال سبيلها ماتدري وش السالفة
إلا يوم قربنا من عندها
شغلت أغنية محمد عبده ( ماهقيت إن البراقع يفتنني )
وقلت لها : يا أكحل العينان طالعنا

اذوووب على المغازل انااا
<<< العن ابو مغازل تعرفه
إلا و الحرمه تدعس
حرمه هذي
و حنا وراها يوم شافت إن حنا مافقدنا الأمل وقفت سيارتها
ونزلت أنا قلت للشباب : ياهووه أكيد ذابت على خشتي
قال محمد : تكفى ياتوم كروز لا يكثر بس
ياوااااااااااااثق<<لا تزعل
خل ننزل نهبل بها شوي وياليتنا مانزلنا قالت الحرمه المزيونه :
خير انشا الله ماتستحون تلحقون بنات خلق الله انقلع انت وياه
ولا وريتكم شي ماشفتوه
بنات خلق الله هم اللي يجيبون لانفسهم كذا
<<< بالله عليكم هذا كلام بنوته.. لا والله
قلت : لا تكفين خوفتيني تأدبي يا مره ولا دفنتك هنيا وي
ياقوي انااا
قامت بنت أبوها طلعت البندقيه من سيارتها و وجهتها علينا
وقالت : علي الحرام لو ماتمشون من ذا المحل لأرشكم كلكم
وأدفنكم ولا حد بيدري عنكم ..
يمه:( :(
جاتنا ام الركبp21 قام قال لي نواف:
خل نمشي احسن لنا من مغازل البران و الله ماوراه إلا الموت
و راح أعوضك بالمملكة إنشا الله إلا ومن رداة الحظ
مليون طعش ددسن جاي من بعيد حشا كل القبيلة فزعوا لها ..
إلا وننحاش والله لا يوريكم هات يا خوف
خخخخخخخخخخ
ويا عرق يتصبب ونوصل للخيمة ونشيل العفش
و نربط الخيمه مثل ماهي بالجيب ونسحبها ولا حسيت
إلا وأنا على الطريق السريع والتفت وراي وما ألقاهم أثر ..
اه الحمدلله والله لومسكونا كان رحنا فيها
وصار فيها قبايل ودم ودنيا لا ونبتلش بالخكري
اللي طول الطريق و هو قاعد يحل معادلات عشان
مايوقفه الاستاذ أنا اشك ان فيه عرق مصاريه بل أنا متأكد أصلاً
من اسمه عادل الحمد لله و الشكر ..



]
.
- لا تصطحب معك أخي الشاب أي خكري يذكر
ههههههههههه
لأنك بتكره اليوم اللي انولدت فيه .
- التعاون هو أساس نجاح طلعة البر .
-لا تغازل تراه حرام أولاً و عيب ثانياً و يمكن تبتلش بوحده معها رشاش وتروح فيها .
خخخخخخخخ
-الشي إذا زاد عن حده انقلب ضده .
-جميع الأكلات التي ذكرت صحيه و ينصح بها الأطباء
<<< معجون أسنان خخخ
- الصور من تصويري يرجى الإنتباه وعدم الحسد.
بسم الله عليك
آسف إذا كنت حركت شجون الشباب و الشابات اللي يحبون طلعات البر و أرجع و أقول إذا تفاعلتوا مع الموضوع مشكورين وما قصرتوا و إذا صار العكس فهذا شي راجع لكم .

طابت ليلتكم

يعطيك العافيه يالمملوح وسلم على هالخكري ولد خاتك<<<دقت الموانه الاخت
وطلعنكم فله لولا ام العيون السود
سلملم